నందమూరి అందగాడు చిందులేయగా.. బాలయ్య వేటగాడు లుక్ కేక!

నందమూరి అందగాడు చిందులేయగా..

‘‘నందమూరి అందగాడు చిందులేయగా... తెలుగువాడి నరనరమూ నాట్యమాడగా.. మీ వేటగాడు'' అని పేర్కొంటూ ‘ఎన్టీఆర్ బయోపిక్' చిత్ర బృందం ఈ కొత్త లుక్ విడుదల చేశారు.

భాగం రెండు భాగాలుగా

ఈ బయోపిక్ రెండు భాగాలుగా రూపొందుతోంది. మొదటి భాగం ‘కథా నాయుడు' పేరుతో తెరకెక్కిస్తున్నారు. ఇందులో ఎన్టీఆర్ సినీ జీవితం గురించి చూపించబోతున్నారు. ఇందులో వచ్చే వేటగాడు పోర్షన్లో హీరోయిన్ శ్రీదేవి పాత్రలో రకుల్ ప్రీత్ సింగ్ కనిపించబోతున్నారు. ఇందులో ‘ఆకు చాటు పిందె తడిసె' పాటను సైతం రీమిక్స్ చేశారు.

ఎన్టీఆర్ జీవితంలోని ముఖ్య వ్యక్తులు

ఈ బయోపిక్‌లో ఎన్టీఆర్ జీవితంలోని ముఖ్య వ్యక్తులందరూ కనిపించబోతున్నారు. రామారావు భార్య బసవతారకం పాత్రలో బాలీవుడ్ నటి విద్యా బాలన్ కనిపించబోతున్నారు. తన కుమారుడు, రాజకీయ చైతన్య రథసారథి హరికృష్ణ పాత్రలో కళ్యాణ్ రామ్ నటిస్తున్నారు.

మహానాయకుడు పేరుతో రెండో భాగం

ఎన్టీఆర్ బయోపిక్ రెండో భాగం ‘మహాయకుడు' పేరుతో తెరకెక్కుతోంది. ఇందులో ఎన్టీఆర్ రాజకీయాల వైపు రావడం, పార్టీ స్థాపించిన 9 నెలల్లోనే అధికారంలోకి రావడం లాంటివి చూపించబోతున్నారు. రెండు భాగాల్లొ మొదటి భాగం రాబోయే జనవరి 9, రెండో భాగం జనవరి 24న విడుదల చేసేందుకు ప్లాన్ చేస్తున్నారు.