ఎన్టీఆర్ బయోపిక్: శ్రీదేవిగా రకుల్ ప్రీత్ సింగ్ ఫస్ట్‌లుక్ అదిరిపోయింది!

అచ్చం శ్రీదేవిని చూసినట్లే ఉంది

తాజాగా విడుదల చేసిన రకుల్ ప్రీత్ సింగ్ లుక్... ‘వేటగాడు' సినిమాలో శ్రీదేవి లుక్ మాదిరిగా ఉంది. రకుల్‌కు జన్మదిన శుభాకాంక్షలు తెలియజేస్తూ ఈ లుక్ విడుదల చేశారు. ఈ చిత్రంలో ఎన్టీఆర్ పాత్రలో బాలయ్య నటిస్తున్న సంగతి తెలిసిందే.

బాలయ్య-రకుల్ మీద ఆకుచాటు పిందె సాంగ్

హైదరాబాద్‌లో వేసిన ప్రత్యేకమైన సెట్లో రకుల్ ప్రీత్ సంగ్, బాలకృష్ణ మీద ఆకు చాటు పిందె చూడు సాంగ్ చిత్రీకరించనున్నాడు. బయోపిక్ ఫస్ట్ పార్టులో ఈ సాంగ్ సినిమాకే హైలెట్ అయ్యేలా ఉంటుందని అంటున్నారు.

రెండు భాగాలుగా బయోపిక్

దర్శకడు క్రిష్... ఎన్టీఆర్ బయోపిక్‌ను రెండు భాగాలుగా చిత్రీకరిస్తున్నారు. మొదటి భాగం అంతా ఎన్టీఆర్ సినిమా కెరీర్ మీదే పూర్తిగా ఫోకస్ పెడుతుండట. అందుకే ఎన్టీఆర్ నటించిన పాత సినిమాల్లోని సూపర్ హిట్ పాటలను ఈ మొదటి భాగంలో దర్శనమివ్వబోతున్నాయి.

అభిమానినే శ్రీదేవి పాత్రపై రకుల్ ఏమన్నారంటే

"ప్రస్తుతం అందరి కళ్లు నామీదే ఉన్నాయి. అందుకే శ్రీదేవి పాత్రలో నటించేందుకు చాలా జాగ్రత్తలు తీసుకుంటున్నా. ఆమెకు నేను కూడా అభిమానినే. ఆమె పాత్రను వెండితెర మీద చూపించటం చాలా పెద్ద సాహసం. ఈ ప్రయత్నంలో విజయం సాధిస్తానన్న నమ్మకం ఉంది' అన్నారు

ఎన్టీఆర్ బయోపిక్

ఎన్టీఆర్ బయోపిక్ ని రెండు పార్టులుగా తీసుకురానున్నారు. పార్ట్ 1 'ఎన్టీఆర్ కథానాయకుడు', పార్ట్ 2 'ఎన్టీఆర్ మహానాయకుడు'గా తెరకెక్కనుంది. పార్టు 1ని సంక్రాంతి సందర్భంగా జనవరి 11న, పార్ట్ 2 2ని రిపబ్లిక్ డే సందర్భంగా జనవరి 25న ప్రేక్షకుల ముందుకు తీసుకురానున్నారు.