ఓ మై గాడ్... రెండు కళ్లు చాలవేమో? చరిత్ర సృష్టించబోతున్న ‘ఎన్టీఆర్-కథానాయకుడు’

రెండు కళ్లు చాలవేమో?

‘ఎన్టీఆర్-కథనాయకుడు' రామారావు సినీ జీవితాన్ని ఫోకస్ చేసే చిత్రం కాబట్టి ఆయనతో వివిధ చిత్రాల్లో నటించిన హీరోయిన్ల పాత్రలు ఇందులో చూపించబోతున్నారు. దాదాపు 9 మంది హీరోయిన్లు మనకు తెరపై కనువిందు చేయబోతున్నారు. వీరిని చూడటానికి రెండు కళ్లు చాలవేమో? అంటున్నారు అభిమానులు.

రెండు భాగాల్లో నటిస్తున్న హీరోయిన్లు వీరే...

విద్యా బాలన్ (బసవతారకం పాత్రోలో), మాళవిక నాయర్ (కృష్ణ కుమారి), నిత్యా మీనన్ (సావిత్రి), శాలిని పాండే (శావుకారి జానకి), హన్సిక (జయప్రద), పాయల్ రాజ్ పుత్ (జయసుధ), రకుల్ ప్రీత్ సింగ్ (శ్రీదేవి)తో పాటు ఇషా రెబ్బ, దివ్యవాణి, ఆమని, పూనమ్ బజ్వా, మంజిమ మోహన్ తదితరులు నటిస్తున్నారు.

అతిపెద్ద తారాగణం రికార్డ్...

ఈ మధ్య కాలంలో సౌత్‌లో అత్యధిక మంది ప్రముఖ నటులు నటించిన సినిమా కూడా ఇదే అంటున్నారు. ఈ చిత్రంలో బాలకృష్ణ తన తండ్రి ఎన్టీఆర్ పాత్రలో నటిస్తుండగా... రానా దగ్గుబాటి, నందమూరి కళ్యాణ్ రామ్, సుమంత్ ఇతర పాత్రల్లో నటిస్తున్నారు. వీరితో పాటు మురళీ శర్మ, భాను చందర్, నరేష్, ప్రకాష్ రాజ్, సంజయ్ రెడ్డి, రవి కిషన్, వెన్నెల కిషోర్, భరత్ రెడ్డి ముఖ్య పాత్రలు పోషిస్తున్నారు.

టాలీవుడ్ చరిత్రలో నిలిచిపోయే గొప్ప చిత్రం

తెలుగు సినిమా చరిత్రలో గొప్ప నటుడిగా పేరు తెచ్చుకున్న వ్యక్తి ఎన్టీ రామారావు. సినిమా రంగం నుంచి రాజకీయ రంగంలోకి అడుగు పెట్టి ముఖ్యమంత్రి అయి ప్రభంజనం సృష్టించిన మహానాయకుడు కూడా. ఆయన జీవితంపై వస్తున్న సినిమా రావడంతో ఇది తెలుగు సినిమా చరిత్రలో నిలిచిపోయే గొప్ప చిత్రంగా ఉంటుందని భావిస్తున్నారు.