‘మనదేశం’ సందర్భం‌తో ఎన్టీఆర్ బయోపిక్ ప్రారంభం!

మహానటుడు, మాజీ ముఖ్యమంత్రి నందమూరి తారక రామారావు జీవితం ఆధారంగా తెరకెక్కుతున్న బయోపిక్ 'ఎన్టీఆర్' షూటింగ్ గురువారం(జులై 5)న ప్రారంభమైంది. ఈ చిత్రంలో ఎన్టీఆర్ తనయుడు నందమూరి బాలకృష్ణ టైటిల్ రోల్ లో కనిపించబోతున్నారు.

స్వర్గీయ నందమూరి తారకరామారావు తన మొదటి సినిమా రంగప్రవేశం 'మనదేశం' సినిమాతో జరిగింది. మనదేశం సినిమా చిత్రీకరణలో ఎన్టీఆర్ చెప్పిన డైలాగ్ బాలకృష్ణ చెప్పారు. ఈ సీన్లో ఎన్టీఆర్ పోషించిన పోలీస్ ఇన్స్పెక్టర్ పాత్రలో బాలకృష్ణ కనిపించనున్నారు.

అభిమానులను ఉద్దేశించి ఎన్టీఆర్ స్వయంగా 1975లో ఒక ఉత్తరం రాయడం జరిగింది. "అభిమానమును మించిన ధనము, ఆదరమును మించిన పెన్నిధి, ఈ లోకమున లేదు. ఇందరి సోదరుల ప్రేమానురాగములను పంచుకోగలుగుట ఈ జన్మకు నేను పొందిన వరం. మీకు సదా ఋణపడ్డట్టే. నాడు నేడు 'మనదేశం' తోనే చరిత్రకు శ్రీకారం. నా శుభాకాంక్షలు, సోదరుడు రామారావు" అని ఎన్టీఆర్ రాసిన ఉత్తరాన్ని నందమూరి బాలకృష్ణ, డైరెక్టర్ క్రిష్ గుర్తుచేసుకున్నారు. ఈ సందర్బంగా వారు తెలుగు ప్రేక్షకుల ఆధర అభిమానాలు కోరుకున్నారు. 'మనదేశం' చిత్ర సీన్స్ తో షూటింగ్ స్టార్ట్ చేసినట్లు బాలకృష్ణ, క్రిష్ తెలిపారు.

నటీనటులు:
నందమూరి బాలకృష్ణ, విద్యాబాలన్
సాంకేతిక నిపుణులు:
డైరెక్టర్: క్రిష్ జాగర్లమూడి
నిర్మాతలు: సాయి కొర్రపాటి, విష్ణు ఇందురి
మ్యూజిక్: ఎం.ఎం.కీరవాణి
కెమెరామెన్: వి.ఎస్. జ్ఞాన శేఖర్
డైలాగ్స్: సాయి మాధవ్ బుర్రా
లిరిక్స్: సిరివెన్నెల సీతారామశాస్త్రి
ప్రొడక్షన్ డిజైనర్: సాహి సురేష్
కాస్ట్యూమ్ డిజైనర్: ఐశ్వర్య రాజీవ్
పి. ఆర్.ఓ: వంశీశేఖర్