ఎన్టీఆర్ ‘బృందావనం’కన్నడ రీమేక్,డిటేల్స్

News

oi-Surya

By Srikanya

| Published: Thursday, December 20, 2012, 8:28 [IST]

బెంగుళూరు: జూ.ఎన్టీఆర్,వంశీ పైడిపల్లి కాంబినేషన్ లో రూపొందిన చిత్రం 'బృందావనం'. ఫ్యామిలీ ఎంటర్టైనర్ గా రూపొంది,తెలుగులో విజయవంతమైన ఈ చిత్రం ఇప్పుడు కన్నడంలోకి రీమేక్ అవుతోంది. దిల్ రాజు నిర్మించిన ఈ చిత్రాన్ని కన్నడ స్టార్ హీరో దర్శన్ రీమేక్ చేస్తున్నారు. 2013 పిబ్రవరిలో ఈ చిత్రం ప్రారంభం అవుతోంది. టైటిల్ ఇంకా పేరు పెట్టలేదు. ఈ చిత్రం కన్నడ నేటివిటీకి అణుగుణంగా స్క్రిప్టు మార్పులు చేస్తున్నట్లు సమాచారం.

మరో ప్రక్క ఈ చిత్రాన్ని హిందీలోనూ రీమేక్ చేయటానికి సన్నాహాలు చేస్తున్నట్లు తెలుస్తోంది. ప్రకాష్ రాజ్ పాత్రను సంజయ్ దత్ పోషించనున్నారు. ఎన్టీఆర్ పాత్రను రణబీర్ కపూర్ పోషించే అవకాసం ఉంది. హీరోయిన్స్ ఎంపిక ఇంకా జరుగుతోంది. దర్శకుడు ఎవరనేది ఇంకా ఫైనల్ కాలేదు. దిల్ రాజు ఈ చిత్రాన్ని మంచి రేటుకే అమ్మినట్లు తెలుస్తోంది.

ఇక ఈ విషయమై దర్శకుడు వంశీ పైడపల్లి మాట్లాడుతూ...బృందావనం హిందీకు అడిగారు. సంజయ్ దత్,రణబీర్ కపూర్ కీ రోల్స్ లో చేస్తున్నట్లు తెలిసింది. అలాగే నేను ఈ రీమేక్ డైరక్ట్ చేయటం లేదు అని తేల్చి చెప్పారు. ఎన్టీఆర్, వంశీ పైడిపల్లి కాంబినేషన్ లో రూపొందిన చిత్రం 'బృందావనం'. తెలుగులో దిల్ రాజు నిర్మించిన ఈ చిత్రం తమిళంలోనూ రీమేక్ కానుంది. ప్రముఖ స్టార్ హీరో, రాజకీయవేత్త విజయ్‌కాంత్ ఈ చిత్ర తమిళ రీమేక్ హక్కుల్ని పొందారు.

విజయ్ కాంత్ కుమారుడు షణ్ముగ పాండియన్‌ను హీరోగా పరిచయం చేస్తూ విజయ్‌కాంత్ ఈ చిత్రాన్ని నిర్మించనున్నారు. తమిళ స్టార్ డైరక్టర్ ఒకరికి ఈ రీమేక్‌కు భాధ్యత అప్పగించనున్నట్లు సమాచారం. తెలుగులో హీరోయిన్స్ గా నటించిన సమంతా, కాజల్ స్థానంలో ఎవరు నటిస్తారనే విషయం ఇంకా నిర్ణయం కాలేదు. ఇక జూ ఎన్టీఆర్ హీరోగా వంశీ పైడిపల్లి రూపొందించిన బృందావనం చిత్రం ఇక్కడ మంచి విజయం సాధించింది. ఈ నేపధ్యంలో ఈ చిత్రం తమిళ రీమేక్ రైట్స్ కోసం చాలా మంది నిర్మాతలు ట్రై చేసినట్లు సమాచారం.

ఇక గత కొంతకాలంగా తెలుగు చిత్రాల రీమేక్ లకు విపరీతమైన డిమాండ్ ఏర్పడింది. హిందీ,తమిళ భాషలవారు ఎప్పటికప్పుడు ఇక్కడ చిత్రాలను రీమేక్ చేయటానికి ఆసక్తి చూపిస్తున్నారు. హిందీలో పోకిరి రీమేక్ హిట్టైన దగ్గర నుంచి వారు ఇక్కడ రిలీజయ్యే చిత్రాల పై ఓ కన్నేసి ఉంచుతున్నారు. తమిళ హీరోలైతే ఇక్కడ స్టార్ హీరోల సినిమాల రిలీజ్ రోజున ఎంక్వైరీ చేసుకుంటున్నారు. హిట్ టాక్ వస్తే వెంటనే తీసుకునేందుకు సన్నాహాలు చేస్తున్నారు. అయితే ఇప్పుడు మన హీరోల చిత్రాలు అక్కడ ఒకేసారి రిలీజవుతున్న నేపధ్యంలో తమిళంలో రీమేక్స్ తగ్గే అవకాశం ఉంది. అయితే కన్నడంలో డబ్బింగ్ లు లేకపోవటంతో ఎప్పుడూ మన సినిమాలకు అక్కడ రీమేక్ బిజినెస్ జరుగుతూనే ఉంటుంది.