నాగార్జునకు ఎన్టీఆర్ ఛాలెంజ్!

By Bojja Kumar

Published: Tuesday, December 13, 2011, 12:18 [IST]

అగ్రహీరో నాగార్జునకు చాలెంజ్ గా నిలిచే రేంజ్ లో మూవ్ అవుతున్నాడు నందమూరి హీరో ఎన్టీఆర్. ఎన్టీఆర్ అంటే జూ ఎన్టీఆర్ కాదండీ బాబూ. నందమూరి తారక రత్న. ఇటీవలే తన పేరును షార్ట్ కట్ గా ఎన్టీఆర్ అని మార్చుకున్నాడు. ఇకపై తనను ఇలానే సంబోధించాలని మీడియాను, అభిమానులను రిక్వెస్ట్ చేశాడు కూడా. జూనియర్ ఎన్టీఆర్ మాదిరి తాత పేరు తన కెరియర్ కూడా కలిసొస్తుందని తారక్ ఆశ. ఆ విషయం పక్కన పెడితే. ఎన్టీఆర్ నటించిన నందీశ్వరుడు డిసెంబర్ 23న విడుదల కావడానికి సిద్ధం అవుతోంది.

అదే రోజు అక్కినేని నాగార్జున నటించిన 'రాజన్న' సినిమా కూడా విడుదలవుతోంది. ఇది ఒకరకంగా ఇద్దరి మధ్య పోటీ అని చెప్పుకుంటున్నారు ఫిల్మ్ నగర్ లో. అయితే నాగర్జునతో పోటీ పడే అంత సీన్ ఎన్టీఆర్ కు లేదు అనే వారు లేక పోలేదు. ఏది ఏమైనా ఇద్దరి సినిమాలు ఒకే రోజు విడుదలవుతుండటం....ఇద్దరు తమ తమ సినిమాల్లో చేసిన పాత్రలు చాలా పవర్ ఫుల్ పాత్రలు కావడం సర్వత్రా చర్చనీయాంశం అయింది. మరి బాక్సాఫీసు వద్ద నిలదొక్కునేది ఎవరో మరి కొన్ని రోజుల్లో తేలి పోనుంది.

More from Filmibeat