'అరవింద సమేత వీర రాఘవ'గా ఎన్టీఆర్ ఎలా మారాడు.. ఎన్టీఆర్ పాత్రలో రెండు షేడ్స్!

రాఘవ మాత్రమే

అరవింద సమేత వీర రాఘవ టైటిల్ త్రివిక్రమ్ స్టైల్ లో ఉందంటూ ప్రశంసలు దక్కుతున్నాయి. ఈ చిత్రానికి మొదట రాఘవ అనే టైటిల్ ఫిక్స్ చేయాలనీ భావించారట. కానీ ఎన్టీఆర్ పాత్రని దృష్టిలో పెట్టుకున్న త్రివిక్రమ్ అరవింద సమేత వీర రాఘవ అనే టైటిల్ ఫిక్స్ చేసినట్లు తెలుస్తోంది.

'అ' సెంటిమెంట్ కూడా

టైటిల్ డిజైన్ విషయంలో త్రివిక్రమ్ సెంటిమెంట్ ని ఫాలో అయినట్లు కూడా తెలుస్తోంది. అత్తారింటికి దారేది, అ.. ఆ చిత్రాలలో అ సెంటిమెట్ కలసి వచ్చిన సంగతి తెలిసిందే. కానీ అజ్ఞాతవాసి చిత్రం బెడిసికొట్టింది.

ఎన్టీఆర్ పాత్రలో రెండు షేడ్స్

అరవింద సమేత చిత్రంలో ఎన్టీఆర్ పాత్రలో రెండు షేడ్స్ ఉన్నట్లు తెలుస్తోంది. ఫ్యామిలీ మాన్ గా ఎన్టీఆర్ సాధారణంగా జీవనం సాగిస్తుంటాడని, అతడికి ఆసక్తికరమైన ఫ్లాష్ బ్యాక్ ఉంటుందని వార్తలు వస్తున్నాయి.

పూజా హెగ్డేతో

ఈ చిత్రంలో ఎన్టీఆర్ సరసన పూజా హెగ్డే హీరోయిన్‌గా నటిస్తోంది. ఫస్ట్ లుక్ పోస్టర్ మాస్ ఆడియన్స్‌ని ఆకట్టుకోగా ఆ తరువాత విడుదల చేసిన మోషన్ పోస్టర్‌లో పూజ హెగ్డేతో ఎన్టీఆర్ కూల్ లుక్‌లో కనిపిస్తున్నాడు.