ఉదయ్ కిరణ్ కి ఎన్టీఆర్ ఆహ్వానం?

By Staff

| Published: Friday, November 21, 2008, 16:05 [IST]

ఎన్నికలు దగ్గరపడుతున్న కొద్దీ రాజకీయ సమీకరణాలు మారిపోతున్నాయి. అలాగే రకరకాల న్యూస్ లు వినవస్తున్నాయి. అందులోనూ సినిమా ఫీల్డ్ కి సంభందించిన వారే ఎక్కువ శాతం హడావిడి చేసే అవకాశం ఉండటంతో దాదాపు అందరకూ పార్టీల నుండి ఆహ్వానాలు వెళ్తున్నాయి. అదే కోవలో ఉదయ్ కిరణ్ కి ఎన్టీఆర్ నుంచి కబురు వచ్చిందని ఫిల్మ్ నగర్ సమాచారం.

ఉదయ్ కిరణ్ కీ చిరంజీవికు ఉన్న పొరపొచ్చాలు గుర్తు పెట్టుకున్న తెలుగు దేశం ఈ అవకాశం వినియోగించుకోదలుస్తోందని చెప్తున్నారు. చిరంజీవికి ఉన్నంతలో కౌంటర్ గా ఉదయ్ ఎంట్రీ ఉపయోగపడవచ్చునని తెలుస్తోంది. ఇక చంద్రబాబు ఈ మేటర్ ని ఎన్టీఆర్ సమక్షంలో అతని సలహా మేరకు సెటిల్ చేసినట్లు ...డిసెంబర్ ఫస్ట్ వీక్ లో తెలుగుదేశంలో చేరనున్నట్లు చెప్పుకుంటున్నారు. ఇదే నిజమైతే ఉదయ్ కిరణ్ ఏ విధమైన కామెంట్స్ చిరంజీవి పై చేయనున్నాడనేది ఆసక్తికరం అనేది నిజం. చూద్దాం ఈ సినీ రాజకీయాలు ఇంకెన్ని రంగులు మారనున్నాయో.