Don't Miss!
- News హైదరాబాదు వాసులకు కూల్ న్యూస్.. పలు జిల్లాల్లో మూడ్రోజుల పాటు వర్షాలు..!
- Sports ఛాంపియన్లా వస్తున్నాం.. ఇది ఆరంభం మాత్రమే - పంత్
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Automobiles త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
- Technology iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది
- Finance ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
ఐపీఎల్ 2018 కోసం రంగంలోకి ఎన్టీఆర్, ఇక రచ్చ రచ్చే!
Recommended Video
'స్టార్ మా'లో గతేడాది ప్రసారం అయిన 'బిగ్ బాస్' తెలుగు రియాల్టీ షో తొలి సీజన్ను హోస్ట్ చేసిన ఎన్టీఆర్ ఈ షో సూపర్ సక్సెస్ అవ్వడంలో ప్రధాన భూమిక పోషించారు. 'మా' టీవీని సొంతం చేసుకుని తెలుగులో కొత్తగా ప్రయాణం ప్రారంభించిన స్టార్ నెట్వర్క్కు ఎన్టీఆర్ స్టార్ ఇమేజ్ మంచి బూస్ట్ ఇచ్చింది.
త్వరలో ప్రారంభం అయ్యే 'బిగ్ బాస్' తెలుగు సీజన్ 2 కూడా యంగ్ టైగర్తోనే హోస్ట్ చేయించాలని స్టార్ నెట్వర్క్ యాజమాన్యం భావించినా.... తన వరుస సినిమా కమిట్మెంట్ల వల్ల నో చెప్పినట్లు సమాచారం. అయితే ఇపుడు స్టార్ నెట్వర్క్ ఎన్టీఆర్ ఇమేజ్ను మరో రకంగా వాడుకోవడానికి సిద్ధమయ్యారట.
ఐపీఎల్ ప్రమోషన్స్ కోసం
ఐపీఎల్ ప్రసార హక్కులను సొంతం చేసుకున్న స్టార్ నెట్వర్క్.... ఈ టోర్నీని తన నెట్వర్క్ విస్తరించి ఉన్న అన్ని భాషల్లో ప్రసారం చేసేందుకు ప్లాన్ చేస్తోంది. తెలుగులో ఐపీఎల్ 2018ని ప్రమోట్ చేయడానికి ఎన్టీఆర్ స్టార్ ఇమేజ్ను వాడుకోనున్నారు.
ఓకే చెప్పిన ఎన్టీఆర్
ఇటీవలే ఎన్టీఆర్ను స్టార్ నెట్వర్క్ ప్రతినిధులు కలిసి ఈ విషయమై మాట్లాడారు. ఐపీఎల్ 2018ని ప్రమోట్ చేస్తూ యాడ్స్లో నటించేందుకు ఎన్టీఆర్ ఓకే చెప్పినట్లు తెలుస్తోంది. త్వరలోనే ఇందుకు సంబంధించిన ప్రోమోలు విడుదల కానున్నాయి.
ఐపీఎల్ కోసం భారీ ఖర్చు
ఐపీఎల్ 2018ని గతేడాది కంటే భారీ హిట్ చేసేందుకు నిర్వాహకులు గ్రాండ్ ప్రమోషన్స్ నిర్వహిస్తున్నారు. ఏప్రిల్ 7న జరిగే ప్రారంభోత్సవ కార్యక్రమాన్ని కనీవినీ ఎరుగని రీతిలో నిర్వహించబోతున్నారు. ఈ వేడుకలో 15 నిమిషాలు డాన్స్ చేసేందుకు బాలీవుడ్ నటుడు రణవీర్ సింగ్కు రూ. 5 కోట్లు రెమ్యూనరేషన్ ఆఫర్ చేశారంటే.... ఖర్చు ఏ స్థాయిలో ఉందో అర్థం చేసుకోవచ్చు.
ఎన్టీఆర్ సినిమా కమిట్మెంట్స్
ఎన్టీఆర్ ప్రస్తుతం రెండు సినిమాలకు కమిటై అందుకు సంబంధించిన వ్యవహారాల్లో బిజీ అయ్యారు. త్వరలో త్రివిక్రమ్ దర్శకత్వంలో తెరకెక్కే షూటింగులో జాయిన్ కాబోతున్న ఎన్టీఆర్ ఇది పూర్తయిన వెంటనే రాజమౌళి దర్శకత్వంలో రామ్ చరణ్తో కలిసి మల్టీస్టారర్ మూవీ చేయబోతున్నారు.