ఎన్టీఆర్ కి 'షాక్' ఇస్తాడా?

By Staff

| Published: Tuesday, September 16, 2008, 17:29 [IST]

ఓ ప్రక్క అసలు ఎన్టీఆర్..వి.వి.వినాయిక్ సినిమా మెటీరియలైజ్ అవుతుందా అనే సందేహం కల్గుతుంటే ఇప్పుడు మరో వార్త ఫిల్మ్ నగర్ లో పరుగెడుతోంది. వారు చెప్పుకునే దాని ప్రకారం షాక్ డైరక్టర్ హరీష్ శంకర్ ఓ యాక్షన్ స్టోరీ తయారు చేసి ఎన్టీఆర్ కి వినిపించాడుట. దానికి ముగ్ధుడైన ఎన్టీఆర్ ...నల్లమలుపు బుజ్జితో మనం సినిమా చేస్తున్నాం బ్రదర్ అని హామీ ఇచ్చేసాడుట. అలాగే కొద్దిపాటి మార్పులు చెప్పి వాటిని సరిచేసుకొస్తే అడ్వాన్స్ ఇప్పిస్తానని హామీ కూడా ఇచ్చాడుట. ఆ ఉషారులో హరీష్ స్క్రిప్టుని రీ రైటింగ్ పనిలో పడ్డాడుట. అందుకే చింతకాయిల రవి ఆడియో పంక్షన్లో బుజ్జితో సినిమా చేస్తానని ఎన్టీఆర్ ప్రకటించాడట.

ఇక ఎన్టీఆర్ వినాయిక్ సినిమా మళ్ళీ వాయిదా పడిందిట. కారణం కథ ఫైనలైజ్ కాకపోవటమేనట. ఆ మధ్య దశరధ్ చెప్పిన కథ నచ్చక పోవటంతో ఆయన దిల్ రాజుకి ఆ కథ వినిపించటానికి ఆ క్యాంపుకి ప్రయాణం కట్టాడు. దాంతో వినాయిక్ తన రెగ్యులర్ రైటర్స్ టీమ్ తో స్క్రిప్టు పై చేస్తున్న కృషి ఫలించేటట్లు కనిపించటలేదంటున్నారు. అంటే ముందే హరీష్ తో సినిమా ఫైనలైజ్ అయి షూటింగ్ మొదలవుతందని అంటున్నారు.

అయితే బుజ్జిగాడు కి పూరీతో పనిచేసిన హరీష్ కథ అధ్బుతంగా చెబుతాడని ప్రతీతి. అందుకే వర్మ సైతం షాక్ సినిమా ఇచ్చాడని తర్వాత పూరీ చేరతీసాడని చెప్తారు. తర్వాత పూరీ బుజ్జిగాడు ఘోర పరాజయంతో ఆయన బయటకు వచ్చాడుట. అంటే ఎన్టీఆర్ కీ షాక్ ఇస్తాడా లేక హిట్ కొడతాడా అని అందరికీ సందేహాలు కల్గుతున్నాయి.