Don't Miss!
- News డీజీ ఆంజనేయులు, సీపీ కాంతిరాణా టాటాపై ఈసీ బదిలీ వేటు: కీలక ఆదేశాలు
- Sports CSK vs LSG: శతక్కొట్టిన రుతురాజ్ గైక్వాడ్.. చితక్కొట్టిన శివమ్ దూబే!
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఎన్టీఆర్ స్టామినా ఎంతో తేలుతుంది: రభస గ్రాండ్ రిలీజ్
హైదరాబాద్: అంతా ఎప్పుడెప్పుడా అని ఎదురు చూస్తున్న 'రభస' మూవీ విడుదలకు గ్రాండ్గా రంగం సిద్ధమయింది. ఎన్టీఆర్ నటించిన సినిమా కావడంపై అంచనాలు ఆకాశంలో ఉన్నాయి. మూవీ టికెట్స్ అడ్వాన్స్ బుకింగ్ కూడా భారీగా జరిగి పోయింది. డిమాండ్కు తగిన విధంగానే ఈచిత్రాన్ని ప్రపంచ వ్యాప్తంగా 1200 స్క్రీన్లలో విడుదల చేస్తున్నారు. గణేష్ చతుర్తి హాలిడే కావడం కలిసొస్తుందని భావిస్తున్నారు.
సినీ వర్గాల నుండి అందుతున్న సమాచారం ప్రకారం రభస చిత్రం సీడెడ్ ఏరియాలో 150 థియేటర్లలో, సిటీలో 95 స్క్రీన్లతో కలిపి హైదరాబాద్ ఏరియాలో 285 థియేటర్లు, వైజాగ్, కృష్ణా, గుంటూరు ఒక్కో ఏరియాలో 75 థియేటర్ల చొప్పున, వెస్ట్ గోదావరిలో 55 థియేటర్లలో, ఈస్ట్ గోదావరిలో 60 థియేటర్లు, నెల్లూరులో 35 థియేటర్లలో విడుదలవుతోంది.
మొత్తం మీద తెలంగాణ రాష్ట్రంలో 435 థియేటర్లు, ఆంధ్రప్రదేశ్ రాష్ట్రంలో 375 థియేటర్లలో సినిమా విడుదలవుతోంది. దీంతో పాటు కర్నాటకలో 85 సినిమా హాల్స్, తమిళనాడులో 55 థియేటర్లు, ముంబై, పూణెతో కలిపి ఇతర నార్త్ ఇండియా రాష్ట్రాల్లో 90 థియేటర్లు, యూఎస్ఏలో 95 స్క్రీన్లు, యూకె, యుఏఈ, ఆస్ట్రేలియా లాంటి ఫారిన్ కంట్రీల్లో కలిపి 55 థియేటర్లు కేటాయించారు. ఇలా ప్రపంచ వ్యాప్తంగా దాదాపుగా 1200 థియేటర్లలో 'రభస' చిత్రం గ్రాండ్గా విడుదలవుతోంది.
సంతోష్ శ్రీనివాస్ దర్శకత్వం వహించిన ఈ చిత్రం రొమాంటిక్ యాక్షన్ థ్రిల్లర్ నేపథ్యంలో పూర్తి స్థాయి వినోదాత్మక చిత్రంగా తెరకెక్కుతోంది. ఈ చిత్రంలో బ్రహ్మానందం, జయసుధ, నాజర్, అలీ, షాయాజీ షిండే, బ్రహ్మాజీ తదితరులు నటిస్తున్నారు. థమన్ సంగీతం, శ్యామ్ కె.నాయుడు సినిమాకు హైలెట్ కానున్నాయి. ఇటీవల విడుదలైన ప్రోమోతో సినిమాపై అంచనాలు ఆకాశాన్ని అంటాయి. మరి ఎన్టీఆర్ స్టామినా ఎలా ఉంటుంది? ఫలితాలు ఎలా ఉంటాయి అనేది ఫస్ట్ డే కలెక్షన్లతో తేలి పోతుంది.