'ఎన్టీఆర్' డబల్ ధమాకా

By Staff

Published: Sunday, September 13, 2009, 14:06 [IST]

టాలీవుడ్ నెం.1 రేసులో ముందంజ లో వున్న నటుడు 'యంగ్ టైగర్' ఎన్టీఆర్. నందమూరి నటవారసుడిగా పరిచయమై అతి తక్కువ కాలంలోనే స్టార్ హీరో ఎదిగిన ఎన్టీఆర్ కు మాస్ లో మంచి ఫాలోయింగ్ వుంది. 'కంత్రి' చిత్రం తర్వాత ఎన్టీఆర్ నటించిన చిత్రాలేవీ విడుదల కాలేదు. ఎన్నికల ప్రచారంలో కొన్నాళ్లు, ప్రచార సమయంలో జరిగిన ప్రమాదంతో కొన్నాళ్ల సినిమాలకు దూరంగా వున్న ఎన్టీఆర్ ప్రస్తుతం వరుసగా సినిమాలు చేస్తూ బిజీగా వున్నారు.

ప్రస్తుతం ఈ యంగ్ టైగర్ కథానాయకుడిగా రెండు చిత్రాలు రూపుదిద్దుకుంటున్నాయి. ఒకటి వివి వినాయక్ దర్శకత్వంలో రూపొందుతున్న 'అదుర్స్' అయితే మరొకటి 'మున్నా' ఫేం వంశీ పైడిపల్లి దర్శకత్వంలో రూపొందుతున్న 'బృందావనం'. ఒకటి పూర్తి యాక్షన్ మూవీ కాగా మరొకటి ఫ్యామిలీ, యాక్షన్ కథాశాలు మిలితమైన సినిమా. కాగా ఈ రెండు చిత్రలు డిసెంబరులో విడుదయ్యే అవకాశాలున్నాయి. సో.. ఈ యేడాది చివర్లో ఎన్టీఆర్ డబల్ ధమాకా ఇవ్వబోతున్నాడన మాట. తమ అభిమాన హీరో నటించిన రెండు చిత్రాలు ఒకే నెలలో విడుదలవ్వడం ఆయన అభిమానులకు తీపి కబురే...

More from Filmibeat