ఎన్టీఆర్ కొత్త లుక్ వైరల్.. ఆర్ఆర్ఆర్ కోసం.. గుర్తుపట్టలేని విధంగా మారిపోతాడా ఏంటి!

గుబురు గడ్డం

ఎన్టీఆర్ ఇప్పటి వరకు నాన్నకు ప్రేమతో, జనతా గ్యారేజ్ లాంటి చిత్రాలలో గడ్డం లుక్ లో రఫ్ గా కనిపించాడు. మాస్ లో అభిమానులు ఎక్కువగా ఉన్న ఎన్టీఆర్ అలాంటి లుక్ లో కనిపిస్తేనే బావుంటుంది. అరవింద సమేత చిత్రం తరువాత ఫ్రీ అయిపోయిన ఎన్టీఆర్ మళ్ళీ గుబురు గడ్డంతో కనిపిస్తున్నాడు.

ఆ చిత్రాలలో డిఫెరెంట్‌గా

యమదొంగ, జై లవకుశ లాంటి చిత్రాల్లో ఎన్టీఆర్ డిఫెరెంట్ గెటప్ లో కనిపించి అలరించాడు. రాజమౌళి ఆర్ఆర్ఆర్ చిత్రంలో ఎన్టీఆర్, చరణ్ ని సరికొత్త లుక్ లో చూపించబోతున్న సంగతి తెలిసిందే.

ఆర్ఆర్ఆర్ కోసం

తాజాగా వైరల్ అవుతున్న ఎన్టీఆర్ లుక్ ఆర్ఆర్ఆర్ కోసం అంటూ ప్రచారం జరుగుతోంది. 1920 కాలం నాటి కథతో ఈ చిత్రం తెరకెక్కబోతుందంటూ వార్తలు వస్తున్న సంగతి తెలిసిందే. అందుకు తగ్గట్లుగా ఎన్టీఆర్ గుబురుగా గడ్డం, మీసాలు పెంచుతున్నాడని అంటున్నారు. ఇప్పటికే రాజమౌళి ఎన్టీఆర్ లుక్ కోసం ఫిజికల్ ట్రైనర్ స్టీవ్ లాయిడ్ తో భేటీ అయిన సంగతి తెలిసిందే.

300 కోట్ల బడ్జెట్

ప్రముఖ నిర్మాత డివివి దానయ్య ఈ చిత్రాన్ని 300 కోట్ల భారీ బడ్జెట్ లో నిర్మించబోతున్నారు. చిత్రం లాంచ్ అయ్యాక మరిన్ని విశేషాలు తెలియనున్నాయి. తొలి షెడ్యూల్ కోసం హైదరాబాద్ లోని గండిపేటలో అన్ని ఏర్పాట్లు జరుగుతున్నట్లు తెలుస్తోంది.