ఆ స్టెప్ కోసం నేను విజయ్ ని కాపీకొట్టాను: ఎన్టీఆర్

తారక్ ఫ్యాన్స్ అంటూ ప్రత్యేకంగా ఎవ్వరూ లేరు

అంతకు ముందుకూడా బయట పెద్దగా మాట్లాడని మొహమాటం నుంచి కూడా బయటకొచ్చేసి కంప్లీట్ పీపుల్ ఫ్రెండ్లీ అయిపోయిన తారక్ సాటి నటులని మెచ్చుకోవటానికి అడ్డువచ్చే కామన్ ఈగోని కూడా వదిలేసాడు. ఇప్పుడు తారక్ ఫ్యాన్స్ అంటూ ప్రత్యేకంగా ఎవ్వరూ లేరు ఎందుకంటే అన్ని రకాల గోడలని దాటి ఇప్పుడు ప్రతీమనిషీ తనని సినిమాలకి అతీతంగా అభిమానించే స్థాయికి వచ్చేసాడు...

అల్లు అర్జున్

అది ఈ మధ్యకాలం లో ప్రస్పుటంగా కనిపిస్తోంది. గతం లో ఒకసారి టాలీవుడ్లో తనకు నచ్చిన డ్యాన్సర్ ఎవరంటే.. అల్లు అర్జున్ పేరు ఎన్టీఆర్ చెప్పడం ఆసక్తి రేకెత్తించింది. అసలు ఈగోనేఅదే లేకుందా నేకాదు ఏమాత్రం అందులో "నేను బ్రాడ్ మైండెడ్" అని చెప్పుకోవాలన్న తెచ్చిపెట్టుకున్న తత్వం కూడా కనిపించలేదు నిజాయితీగా తన అభిప్రాయాన్ని చెప్పేసాడు.

ప్లేస్ నువ్వు చెప్పినా సరే..

ఇక మళ్ళీ ఇప్పుడు కూడా పవన్ కళ్యాణ్ రాజకీయ అరంగేట్రం గురించి స్పందించమంటే.. తాను ఎవరి గురించీ కామెంట్ చేయలేనంటూనే మంచి జరగాలని కోరుకున్నాడు తారక్. అలాగే బాలయ్య సినిమాల్లో నచ్చిన డైలాగ్ చెప్పమంటే.. ‘నరసింహనాయుడు'లోని ‘ప్లేస్ నువ్వు చెప్పినా సరే..' అనే డైలాగ్ చెప్పి అలరించాడు తారక్.

సూపర్ స్టార్ రజినీకాంత్

మరోవైపు తమిళ హీరోల గురించి కూడా ఆసక్తికర వ్యాఖ్యలు చేశాడు ఎన్టీఆర్. తమిళంలో మీకు నచ్చిన హీరోలెవరంటే సూపర్ స్టార్ రజినీకాంత్.. అజిత్‌ల పేర్లు ఎన్టీఆర్ చెప్పడం విశేషం. గతంలోనూ రజినీ మీద తన అభిమానాన్ని చాటుకున్న తారక్.. తాజాగా రజినీని మరోసారి ఆకాశానికెత్తేశాడు. రజినీ స్టైల్ గురించి అందరూ మాట్లాడుతుంటారని.. దాని కంటే కూడా తెరమీద ఆయన కనిపిస్తున్నపుడు ప్రేక్షకుల్లో కనిపించే ఉత్సాహం తనకెంతో ఇష్టమని అన్నాడు.

విజయ్‌ని కాపీ కొట్టి

అజిత్ కూడా తనకు చాలా నచ్చుతాడని చెప్పాడు. మరోవైపు విజయ్ గురించి చెబుతూ.. అతడి డ్యాన్స్ తనకు ఇష్టమన్నాడు. తాను ‘కంత్రి' సినిమా కోసం విజయ్‌ని కాపీ కొట్టినట్లు ఎన్టీఆర్ చెప్పడం విశేషం. కంత్రిలో వయస్సునామీ పాటలో ఓ స్టెప్.. విజయ్ నటించిన ‘పోకిరి'లోని ఓ పాట నుంచి తీసుకున్నదని ఎన్టీఆర్ వెల్లడించాడు. విజయ్ వేసిన స్టెప్‌ను తాను అనుకరించానని అన్నాడు.