హోమ్

న్యూస్

వివి వినాయిక్,ఎన్టీఆర్ కాంబినేషన్లో రెడీ అయిన అదుర్స్ చిత్రం సంక్రాంతికి రిలీజ్ అవుతుందని ప్రకటించిన సంగతి తెలిసిందే. అయితే ఇప్పుడు జనవరి ఎనిమిదవ తేదీనే ఈ చిత్రం రిలీజ్ చేయాలని తర్జన భర్జనలు జరుపుతున్నట్లు సమాచారం. ఇప్పటికే లేటయి నష్టపోయాం..పండగకు ఓ మూడు రోజులు ముందు రిలీజ్ చేస్తే పండుగ కలెక్షన్స్ తో పాటు ఆ మూడు రోజుల కలెక్షన్స్ కూడా బోనస్ గా కలుస్తాయని ప్లాన్ చేసినట్లు తెలుస్తోంది. ఇక ఈ మేరకు అధికారికంగా ప్రకటన చేయాలని నిర్ణయించుకున్నట్లు వినికిడి. ఈ చిత్రంలో ఎన్టీఆర్ కు జోడిగా నయనతార, షీలా కనపడనున్నారు. ఎన్టీఆర్ చాలా కాలం తర్వాత ద్విపాత్రాభినయం చేస్తున్నారు. కోనవెంకట్ కథ,మాటలు అందించిన ఈ చిత్రం పూర్తి కామిడిగా తీర్చిదిద్దారని తెలుస్తోంది.