Don't Miss!
- News రెండో రోజు నామినేషన్ల జోరు: 69 నామినేషన్లు వేసిన 57 మంది అభ్యర్థులు, ప్రముఖులు వీరే
- Sports ధోనీ ట్రేడ్మార్క్ సిక్సర్..101 మీటర్ల దూరం Video
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
జై లవ కుశ: రావణుడిలా భయంకరంగా ఎన్టీఆర్ ‘జై’ పాత్ర (టీజర్)
జై లవ కుశ చిత్రానికి సంబంధించి జై టీజర్ రిలీజైంది. ఈ చిత్రంలో మూడు భిన్న పాత్రల్లో నటిస్తున్నాడు ఎన్టీఆర్.
ఎన్టీఆర్ హీరోగా తెరకెక్కుతున్న 'జై లవ కుశ' చిత్రంపై అంచనాలు భారీగానే ఉన్నాయి. బాబీ దర్శకత్వం వహస్తున్నఈ చిత్రాన్ని ఎన్టీఆర్ సోదరుడు కళ్యాణ్ రామ్ నిర్మిస్తుండటం విశేషం. ఈ చిత్రంలో ఎన్టీఆర్ మూడు విభిన్నమైన పాత్రలు పోషిస్తున్నారు.
జై, లవ, కుశ మూడు పాత్రల్లో నటిస్తున్నాడు. గురువారం సాయంత్రం 5.22 గంటలకు జై పాత్రకు సంబంధించిన టీజర్ విడుదల చేశారు. టీజర్ విడుదలతో సినిమాపై అంచనాలు మరింత పెరిగాయి.
టీజర్ డైలాగ్స్ అదుర్స్
ఆ రావణుడిని చంపాలంటే సముద్రం దాటాలి... ఈ రావణుడిని చంపాలంటే సముద్రమంత దైర్యం ఉండాలి అంటూ ఎన్టీఆర్ చెప్పిన డైలాగ్స్ టీజర్ కే హైలెట్ అయ్యాయి.
భయంకరమైన పాత్ర జై
సినిమాలో ‘జై' పాత్ర చాలా భయంకరంగా ఉంటుందని.... అత్యంత కర్కశమైన విలనిజంతో కూడుకుని ఉంటుందని తెలుస్తోంది.
ఎన్టీఆర్ హాభావాలు అదుర్స్
ఈ టీజర్లో ఎన్టీఆర్ హావభావాలు అదిరిపోయే విధంగా.... నటనలో రౌద్రం ప్రదర్శిస్తూ ఎన్టీఆర్ నిజంగానే ప్రేక్షకులను భయపెట్టాడు. టీజర్ ఇలా ఉందంటే సినిమాలో ఇంకా ఏం రేంజిలో ఉంటుందో అర్థం చేసుకోవచ్చు.
నత్తి కూడా ఉంటుంది
‘జై' పాత్రకు కాస్త నత్తి కూడా ఉంటుందని ఈ టీజర్లో ఎన్టీఆర్ చెప్పిన డైలాగ్స్ వింటే స్పష్టమవుతుంది. ఈ రావణుడిని చంపాలంటే సముద్రమంత దదదధై...ర్యం ఉండాలి అంటూ ఎన్టీఆర్ డైలాగ్ చెప్పిన విషయాన్ని మనం గమనించవచ్చు.
టీజర్ ప్రమోషన్ అదుర్స్
ఎన్టీఆర్ కి ఇండియాలోనే కాక పలు దేశాలలోను విపరీతమైన ఫ్యాన్ ఫాలోయింగ్ ఉండడంతో చిత్ర యూనిట్ వివిధ దేశాలకు సంబంధించిన టైం జోన్ తో పోస్టర్ రూపొందించి మరీ ‘జై' టీజర్ కు ప్రచారం కల్పించారు.
హీరోయిన్లు
ఎన్టీఆర్ పోషిస్తున్న రెండు పాత్రలకు రాశిఖన్నా, నివేదా థామస్ హీరోయిన్లుగా చేస్తున్నారు. ఒక పాత్రకు హీరోయిన్ లేదని తెలుస్తోంది.
రిలీజ్ డేట్
జై లవకుశ చిత్రం సెప్టెంబర్ 21న విడుదల కానుంది. బాలీవుడ్ యాక్టర్ రోనిత్ రాయ్ ఇందులో నెగెటివ్ రోల్ చేస్తున్నాడు. ఎన్టీఆర్ ఆర్ట్స్ పతాకంపై కళ్యాణ్ రామ్ నిర్మిస్తున్న ఈ సినిమాకి దేవి శ్రీ ప్రసాద్ సంగీతం అందిస్తున్న సంగతి తెలిసిందే.
టీజర్
జై పాత్రను పరిచయం చేస్తూ రిలీజ్ చేసిన టీజర్ ఇదే.