హోమ్

న్యూస్

విశ్వవిఖ్యాత నటసార్వభౌమ నందమూరి తారక రామారావు నటించిన యుగపురుషుడు చిత్రం విడుదలై 40 ఏళ్లు పూర్తి చేసుకొన్నది. శతదినోత్సవంతో సెన్సేషనల్ హిట్‌గా సంచలనం రేపిన యుగపురుషుడు జూలై 14, 1978లో విడుదలైంది. వైజయంతి ఫిలింస్ బ్యానర్‌పై ఈ చిత్రాన్ని ప్రముఖ నిర్మాత సీ అశ్వినీదత్ రూపొందించారు. కే బాలయ్య దర్శకత్వం వహించారు. ఎన్టీఆర్‌తో అశ్వినీదత్ సినిమా రూపొందించడం రెండోది.

అంతకు ముందు ఎన్టీఆర్‌తో అశ్వినీదత్ ఎదురులేని మనిషి చిత్రాన్ని 1975లో రూపొందించారు. నిర్మాతగా అశ్వినీదత్ రెండో చిత్రంగా యుగపురుషుడు నిర్మించారు. ఏ ముహుర్తాన ఈ చిత్రానికి ఆ పేరు పెట్టారో అప్పటి నుంచి ఎన్టీఆర్‌ను యుగపురుషుడిగా అభిమానులు కీర్తించడం మొదలుపెట్టారు.