Don't Miss!
- News టీడీపీ హ్యాట్రిక్ కు వైసీపీ యువనేత బ్రేకులు వేస్తారా..!!
- Finance Mutual Funds: ఆ కంపెనీల్లో వాటాను పెంచుకున్న మ్యూచువల్ ఫండ్స్..
- Sports IPL చరిత్రలో తొలిసారి.. రాహుల్-రుతురాజ్కు షాక్!
- Travel శ్రీవారి భక్తులకు శుభవార్త.. ఐఆర్సిటిసి తిరుమల టూర్ ప్యాకేజీ...
- Automobiles కనీవినీ ఎరుగని డిస్కౌంట్స్!.. హ్యుందాయ్ కారు కొనటానికి ఇదే మంచి సమయం
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
ఎన్టీఆర్ 'శక్తి' ఎంతదాకా వచ్చింది?
ఎన్టీఆర్, మెహర్ రమేష్ ల కాంబినేషన్ లో రూపొందుతోన్న 'శక్తి' చిత్రం ప్రస్తుతం హైదరాబాద్ లో ఓ పాటను చిత్రీకరణలో జరుపుకుంటోంది. ఎన్టీఆర్, ఇలియానాపై రామోజీ పిల్మ్ సిటీలో వేసిన భారీసెట్ లో బృంద నృత్య దర్శకత్వంలో చిత్రీకరిస్తున్నారు. ఈ చిత్రం తొలి షెడ్యూల్ జైపూర్ లో జరిగింది. అశ్వనీదత్ తమ వైజయంతీ మూవీస్ పతాకంపై ఎంతో ప్రతిష్టాత్మకంగా ఈ చిత్రాన్ని నిర్మిస్తున్నారు. ఇంతకు ముందు ఇదే కాంబినేషన్లో 'కంత్రి' చిత్రం వచ్చింది. ఇక ఇలియానా ఇంతకు ముందు ఎన్టీఆర్ తో రాఖీ చిత్రంలో చేసింది. ఇప్పటివరకూ ఎన్టీఆర్ చేయని సరికొత్త నేపథ్యంలో ఈ చిత్రం తయారవుతుందనేది ఫిలింనగర్ వర్గాల సమాచారం. సీనియర్ రచయిత సత్యానంద్ ఈ చిత్రానికి మాటలు సమకూరుస్తున్నారు. ప్రసిద్ధ నవలా రచయిత యండమూరి వీరేంద్రనాథ్, సీనియర్ రచయిత జె.కె.భారవి, 'వరుడు', 'ఆరెంజ్' చిత్రాల ఫేమ్ తోట ప్రసాద్, 'సారాయి వీర్రాజు' దర్శకుడు డి.ఎస్.కన్నన్ స్క్రిప్టు వర్క్ లో పాలుపంచుకుంటున్నారు. ఈ చిత్రానికి సంగీతం: మణిశర్మ, కెమెరా: సమీర్ రెడ్డి, ఆర్ట్: ఆనంద్ సాయి, ఎడిటింగ్: మార్తాండ్ కె.వెంకటేష్, పాటలు: వేటూరి, సీతారామశాస్త్రి, రామజోగయ్య శాస్త్రి అందిస్తున్నారు. ఇక ఎన్టీఆర్ ఒకవైపు 'బృందావనం', మరోవైపు 'శక్తి' చేస్తున్నారు. 'బృందావనం' తుది దశకు చేరుకోవడంతో, ఆ షూటింగ్ పూర్తి కాగానే ఎన్టీఆర్ 'శక్తి'కే ఎక్కువ సమయం కేటాయించనున్నారు. 'శక్తి' ఏ తరహా కథాంశంతో రూపొందుతుందనే విషయంలో దర్శక నిర్మాతలు రహస్యంగా ఉంచుతున్నారు.