పిరికిపందల్లా బతకడం నేర్పించలేదు: ఎన్టీఆర్

హైదరాబాద్ : ఎన్టీఆర్‌ హీరోగా నటించిన చిత్రం‘నాన్నకు ప్రేమతో'. రకుల్‌ప్రీత్‌ సింగ్‌ హీరోయిన్. సుకుమార్‌ దర్శకత్వం వహించారు. బి.వి.ఎస్‌.ఎన్‌.ప్రసాద్‌ నిర్మాత. దేవిశ్రీప్రసాద్‌ సంగీతం అందించారు. సినిమా ట్రైలర్ ని ప్రముఖ దర్శకుడు వి.వి.వినాయక్‌ ఆవిష్కరించారు. ఈ చిత్రంలోని పాటలు ఆదివారం రాత్రి హైదరాబాద్‌లో విడుదలయ్యాయి. ఈ సందర్బంగా ఎన్టీఆర్ మాట్లాడుతూ తన తండ్రి తమకేం నేర్పించాడో చెప్పుకొచ్చారు.

ఎన్టీఆర్‌ మాట్లాడుతూ ‘‘మా నాన్నగారు మా ముగ్గురికీ ఒక్కటే చెప్పారు. కిందపడండి.. మిమ్మల్ని మీరే నమ్ముకొని పైకి రండి అని చెప్పారు. ఏ రోజూ పిరికిపందల్లా బతకడం నేర్పించలేదు. ఈ జీవితాన్నిచ్చిన నాన్నగారికి కృతజ్ఞతలు. ఇక సినిమా విషయానికొస్తే ఇందులో ఎన్టీఆర్‌ని చూడరు. సుకుమార్‌ని చూస్తారు. రాజేంద్రప్రసాద్‌లో సుకుమార్‌ తండ్రిగారిని చూస్తారు. సుకుమార్‌ తండ్రిగారు కొన­వూపిరితో ఉండగా పుట్టిన కథ ఇది.

నాన్నకి ఏదైనా అయ్యిందంటే ఎంతగా తల్లడిల్లిపోతాం. కానీ సుకుమార్‌ తనకుండే బాధని దిగమింగుకొని ఈ కథని రాశాడు. తను కథని కాకుండా... జీవితాన్ని రాస్తాడు. ఇలాంటి గొప్ప కథ నా 25వ చిత్రంగా రావడం నిజంగా అదృష్టంగా భావిస్తున్నా. దేవిశ్రీప్రసాద్‌ ఈ సినిమాకోసం చాలా త్యాగం చేశాడు. దేవి, సుకుమార్‌, నేను, విజయ్‌ కె.చక్రవర్తి... ఇలా ఈ సినిమా కోసం పనిచేసినవాళ్లల్లో చాలామంది నాన్న పిచ్చోళ్లు ఉన్నారు. రకుల్‌ప్రీత్‌ సింగ్‌ మంచి నటి. జగపతిబాబుగారు నా హృదయానికి దగ్గరగా ఉండే వ్యక్తి. ఆయన నటించకపోతే ఇది గొప్ప సినిమా అయ్యుండేది కాదు'' అన్నారు.

ఈ స్పీచ్ ని మీరు ఇక్కడ పూర్తిగా చూడవచ్చు...

ఎన్టీఆర్‌ సరసన రకుల్‌ ప్రీత్‌ సింగ్‌ హీరోయిన్‌గా నటిస్తోన్న ఈ భారీ చిత్రంలో జగపతిబాబు, రాజేంద్రప్రసాద్‌, రాజీవ్‌ కనకాల, అవసరాల శ్రీనివాస్‌, సితార, అమిత్‌, తాగుబోతు రమేష్‌, గిరి, నవీన్‌ తదితరులు నటిస్తున్నారు. ఈ చిత్రానికి సంగీతం : దేవిశ్రీప్రసాద్‌, ఫోటోగ్రఫీ : విజరు చక్రవర్తి, ఆర్ట్‌ : రవీందర్‌, ఫైట్స్‌ : పీటర్‌ హెయిన్స్‌, ఎడిటింగ్‌ : నవీన్‌ నూలి, పాటలు : చంద్రబోస్‌, డాన్స్‌ : రాజు సుందర కథ, స్క్రీన్‌ప్లే, దర్శకత్వం : సుకుమార్‌.