ఎన్టీఆర్ అభిమానులకు శుభవార్త!!

By Staff

Published: Friday, March 13, 2026, 20:30 [IST]

ఎన్టీఆర్,వి.వి.వినాయిక్ సినిమా ఆగిపోతుందునీ,కథ రెడీ కాలేదనీ,హరీష్ శంకర్ సినిమానే ముందు చేస్తాడనీ అని గత కొద్ది రోజులుగా వినిపిస్తున్న ఊహాగానాలకు తెరపడనుంది. ఈ కాంబినేషన్ సినిమా ఈనెల 24న ప్రారంభం కానుందని నిప్మాక వల్లభనేని వంశీమోహన్‌,సమర్పకులు కొడాలి శ్రీ వెంకటేశ్వరరావు (నాని) అధికారికంగా ప్రకటించారు. నిర్మాత ఈ చిత్ర విశేషాలను గురించి చెబుతూ ''ఈనెల 24 నుంచి 28 వరకు చిన్నారులకు సంబంధించిన సన్నివేశాలను చిత్రిస్తాం. 29 నుంచి నవంబరు 4 వరకు యాక్షన్‌ సన్నివేశాలను తెరకెక్కిస్తాం. ఆ తర్వాత రామోజీ ఫిల్మ్‌సిటీలో చిత్రీకరణ ఉంటుంద''ని చెప్పారు.

''వినాయక్‌ సినిమాలో చేయడమంటే నాకు చాలా సంతోషం. నాని అన్నతో ఇది రెండో సినిమా. వంశీతో మొదటిది. హిట్‌ సినిమాను తీయాలన్న కాంక్షతో పనిచేస్తున్నాం. తప్పక విజయం వరిస్తుందన్న నమ్మకం ఉంద''ని ఎన్టీఆర్‌ చెప్పారు. దర్శకుడు మాట్లాడుతూ ''ప్రేక్షకులు, అభిమానులు ఆశించే అన్ని అంశాలూ ఈ చిత్రంలో ఉంటాయ''ని అన్నారు. ఇలియానా కథానాయిక. 40 మంది ప్రముఖ నటులు ప్రధాన పాత్రలు పోషించనున్నారు. ఇక ఈ చిత్రానికి కథ, మాటలుని వరసగా హిట్స్ ఇస్తున్న కోన వెంకట్‌ అందిస్తున్నారు. అలాగే సంగీతం యూత్ లో మంచి క్రేజ్ ఉన్న దేవిశ్రీప్రసాద్‌ సమకూరుస్తూంటే...కెమెరా: ఛోటా కె.నాయుడు, ఫైట్స్‌: స్టన్‌ శివ, కళ: ఆనంద్‌సాయి, కూర్పు: గౌతం రాజు చేయనున్నారు. అంటే త్వరలోనే ఆది లాంటి బ్లాక్ బస్టర్ రానుందన్నమాట.ఎన్టీఆర్ అభిమానులకు పండుగే కదా మరి.

More from Filmibeat