ఆఫీసర్ కథ కంచికి.. వారం కూడా గడవక ముందే, విశాల్ తప్పించుకున్నట్లేనా!

నాగార్జున కెరీర్ లోనే

కింగ్ నాగార్జున కెరీర్ లోనే ఆఫీసర్ చిత్రం అత్యంత చెత్త చిత్రంగా పరాజయాన్ని మూటగట్టుకుంది. ఈవిషయంలో వర్మ పై సోషల్ మీడియాలో ట్రోలింగ్ కూడా చెలరేగుతున్న సంగతి తెలిసిందే.

కాలా దెబ్బ

సూపర్ స్టార్ రజినీకాంత్ కాలా చిత్రం విడుదల కావడంతో దాదాపుగా అన్ని ప్రాంతాల్లో ఆఫీసర్ చిత్రాన్ని తొలగించారు. విడుదలై వారం కూడా పూర్తి కాకముందే ఇలాంటి ఆఫీసర్ చిత్రం కనుమరుగవడం గమనార్హం.

ఆఫీసర్ కు మాత్రమే కాదు

కాలా విడుదల ఎఫెక్ట్ కేవలం ఆఫీసర్ చిత్రానికి మాత్రమే కాదు, గత వారం విడుదలైన అభిమన్యుడు చిత్రంపై కూడా పడిందని ట్రేడ్ విశ్లేషకులు చెబుతున్నారు.

గట్టునపడ్డ అభిమన్యుడు

అభిమన్యుడు చిత్రం గత వారం విడుదలై మంచి టాక్ సొంతం చేసుకుంది. తమిళంలో విజయం సాధించడంతో ఈ చిత్ర తెలుగు హక్కులు దాదాపు 4 కోట్లకు అమ్ముడయ్యాయి. తొలి వీకెండ్ లోనే 3 కోట్ల షేర్ వరకు అభిమన్యుడు సాధించినట్లు తెలుస్తోంది. కాలా చిత్రం తరువాత ఆడియన్స్ ఉన్న సెకండ్ ఆప్షన్ అభిమన్యుడే కాబట్టి సులభంగా బ్రేక్ ఈవెన్ సాధించి లాభాలు దక్కించుకునే అవకాశం ఉందని ట్రేడ్ విశ్లేషకులు చెబుతున్నారు.