'మనం' ను టార్గెట్ చేసాడట

హైదరాబాద్: 'గుండె జారి గల్లంతైంది చిత్రం చేస్తున్నప్పుడు..నాకు నితన్ ముందు చిత్రం ఇష్క్ ని బీట్ చేయాలని ఉండేది అలాగే జరిగంది. ఇప్పుడు నాగచైతన్య ముందు చిత్రం మనం పెద్ద హిట్. దాన్ని నా ఒక లైలా కోసం చిత్రం తో ఎయిమ్ చేస్తున్నాను. అంటున్నారు కొండా విజయ్ కుమార్.

నాగచైతన్య, పూజహెగ్డే జంటగా నటించిన చిత్రం 'ఒక లైలా కోసం'. విజయ్‌కుమార్‌ కొండా దర్శకత్వం వహించారు. అన్నపూర్ణ స్టూడియోస్‌ సంస్థ ఈ చిత్రాన్ని నిర్మించింది. ఈనెల 17న ఈ సినిమా ప్రేక్షకుల ముందుకు రానుంది. సినిమా అన్నివర్గాలను ఆకట్టుకునేలా తీర్చిదిద్దినట్లు దర్శకుడు తెలిపారు.

'ఒకలైలా కోసం తిరిగాను దేశం' అంటూ పాట పాడుకొన్నారు అక్కినేని నాగేశ్వరరావు. మనవడు నాగచైతన్యకి మాత్రం ఒక్క లైలా సరిపోలేదు. వంద మంది లైలాల మధ్య సందడి చేశాడు. నాగచైతన్య హీరోగా నటించిన చిత్రం 'ఒక లైలా కోసం'. పూజా హెగ్డే హీరోయిన్. విజయ్‌కుమార్‌ కొండా దర్శకత్వం వహించారు. నాగార్జున నిర్మాత.

నాగచైతన్య మాట్లాడుతూ ''రొమాంటిక్‌గా సాగిపోయే ప్రేమకథ ఇది. దర్శకుడు నా పాత్రనీ, ఈ కథనీ తీర్చిదిద్దిన విధానం చాలా బాగుంది. అనూప్‌ సంగీతం ఆకట్టుకొంటోంది ''అన్నారు. '

అనూప్‌ చెబుతూ ''దర్శకుడిలో సంగీతం పట్ల మంచి అభిరుచి ఉంది. కథపై క్లారిటీ ఉంది కాబట్టే తక్కువ సమయంలో ఈ సినిమా పూర్తి చేయగలిగారు. ఓ మంచి టీమ్‌తో పనిచేసినందుకు సంతోషంగా ఉంది''అన్నారు. ''కార్తీక్‌ అనే అబ్బాయి కథ ఇది. తన లైలా కోసం ఏం చేశాడో వినోదాత్మకంగా చూపించాం. అనూప్‌ సంగీతం, ఆండ్రూ కెమెరా పనితనం ప్రధాన ఆకర్షణలు''అన్నారు దర్శకుడు.

నిర్మాత మాట్లాడుతూ... ''ప్రేమకు రీజన్స్‌ ఉండవు. ఓన్లీ ఎమోషన్స్‌' అని నమ్మే యువకుడు. ప్రేమంటే ఆమడ దూరం ఉండే అమ్మాయి. తీపి, పులుపు లాంటి వీరి మధ్య విజయ్‌కుమార్‌ కొండా శైలిలో తెరకెక్కిన ప్రేమకథ ఇది. నేటి యువత మనసులు, ప్రేమలను తెరపై ఆవిష్కరిస్తున్నాం. '' అంటున్నారు నిర్మాత.

అలీ, సాయాజీ షిండే, రోహిణి, సుమన్‌, సుధ, చలపతిరావు, ఎం.ఎస్‌.నారాయణ, అన్నపూర్ణ, శ్రీనివాసరెడ్డి, వెన్నెల కిశోర్‌, శుభలేఖ సుధాకర్‌, భరత్‌రెడ్డి తదితరులు ఇతర పాత్రధారులు. ఈ సినిమాకు కెమెరా: ఐ.ఆండ్రూ, సంగీతం: అనూప్‌ రూబెన్స్‌, ఎడిటింగ్‌: ప్రవీణ్‌పూడి, ఫైట్స్‌: రామ్‌లక్ష్మణ్‌, విజయ్‌, నిర్మాత: అక్కినేని నాగార్జున, దర్శకత్వం: విజయ్‌కుమార్‌ కొండా.