నాగార్జున.. 'ఓం నమో వేంకటేశాయ' మోషన్ పోస్టర్

మోషన్ పోస్టర్

'ఓం నమో వెంకటేశాయ' మోషన్‌ పోస్టర్‌ను శనివారం విడుదల చేశారు. ఇప్పటికే అన్నమయ్య, శ్రీరామదాసు లాంటి చిత్రాలతో నాగార్జున, రాఘవేంద్రరావు కాంబినేషన్ బాక్సాఫీసు వద్ద అద్భుతాలు క్రియేట్ చేసారు. ఈ నేపథ్యంలో ఓం నమో వెంకటేశాయ సినిమాపై అంచనాలు భారీగానే ఉన్నాయి.

డిసెంబర్ 24న టీజర్ రిలీజ్

డిసెంబర్‌ 24న ఈ చిత్రానికి సంబంధించిన టీజర్‌ను విడుదల చేస్తున్నారు. షూటింగ్‌ పూర్తి చేసుకొని పోస్ట్‌ ప్రొడక్షన్‌ వర్క్‌ జరుపుకుంటున్న ఈ చిత్రాన్ని ఫిబ్రవరి 10న ప్రపంచ వ్యాప్తంగా విడుదల చేసేందుకు సన్నాహాలు చేస్తున్నారు.

హాథీరామ్‌ బాబాగా

అక్కినేని నాగార్జున హాథీరామ్‌ బాబాగా మరో అద్భుతమైన పాత్ర చేస్తున్న ఈ చిత్రంలో వేంకటేశ్వరస్వామిగా సౌరబ్‌జైన్‌ నటిస్తుండగా, భక్తురాలు కృష్ణమ్మగా అనుష్క కనిపించనుంది. జగపతిబాబు, ప్రగ్యా జైస్వాల్‌, విమలా రామన్‌, రావు రమేష్‌, వెన్నెల కిషోర్‌, ప్రభాకర్‌, రఘుబాబు ఇతర ముఖ్యపాత్రలు పోషిస్తున్నారు.

ఓం నమో వెంకటేశాయ

దర్శకేంద్రుడు కె.రాఘవేంద్రరావు రూపొందిస్తున్న ఈ చిత్రానికి స్వరవాణి ఎం.ఎం.కీరవాణి సంగీతాన్ని అందిస్తున్నారు. ఎస్‌.గోపాల్‌రెడ్డి, జె.కె.భారవి, కిరణ్‌కుమార్‌ మన్నె, గౌతంరాజు ఇతర సాంకేతిక వర్గం.