సింగం-3.... సరికొత్త రికార్డ్, 99 శాతం వేస్టేనంట!

హైదరాబాద్: సూర్య నటించిన సంగం-3 చిత్రం రిలీజ్ కాక ముందే ఎవరూ ఊహించని రికార్డ్ నెలకొల్పింది. అసలు ఇలాంటి రికార్డు ఒకటి ఉంటుందా? అని ఎవరూ ఊహించి కూడా ఉండరు. ఆ రికార్డు ఎందులో తెలుసా? వేస్టేజీలో..., మీరు విన్నది నిజమే, సినిమా షూటింగులో 99 శాతం వేస్టేజీగా మిగిలి పోయిందట.

ఈ విషయాన్ని స్వయంగా ఈ చిత్ర దర్శకుడు హరి వెల్లడించారు. సినిమా షూటింగ్ కోసం షూట్ చేసిన సీన్లలో 99.2 శాతం ఎడిటింగులో తీసేసారట. కేవలం 0.8శాతం మాత్రమే రెండున్నర గంటల సినిమాగా మన ముందుకు వచ్చిందట.

సినిమా కోసం మొత్తం 17 లక్షల రోల్స్ షూట్ చేయగా... ఎడిటింగ్ తర్వాత కేవలం 14 వేల రోల్స్ మాత్రమే 'సింగం 3'గా విడుదల చేసారు. అయితే ఇందులో ఉపయోగించని ఆ సీన్లను సింగం 4, సింగం 5 ల్లో ఉపయోగిస్తామని దర్శకుడు వెల్లడించారు.

వ‌రుస‌గా పోలీస్ పాత్ర‌లో ప‌ర‌కాయ ప్ర‌వేశం చేసి స్టార్‌ క్రేజ్‌ను సంపాందించుకున్న సూర్య , శ్రుతిహ‌స‌న్‌, అనుష్క‌లు జంట‌గా నటిస్తున్న చిత్రం "S3-య‌ముడు-3". తెలుగు, తమిళ భాషల్లో ఏకకాలంలో ఫిబ్ర‌వ‌రి 9 న ప్ర‌పంచ‌వ్యాప్తంగా విడుదలంది. ఈ చిత్రానికి హ‌రి ద‌ర్శ‌కుడు. గ‌తంలోయ‌ముడు, సింగం చిత్రాలను మించి ప్రీరిలీజ్ కే 100 కొట్ల బిజినెస్ చేసి సంచ‌ల‌నం సృష్టించింది.

ఈ చిత్రం స్టూడియో గ్రీన్‌ పతాకంపై కె.ఇ.జ్ఞానవేల్‌రాజా స‌గ‌ర్వంగా స‌మ‌ర్పిస్తూ తెలుగులో సురక్ష్ ఎంటర్‌టైన్‌మెంట్స్ అధినేత మల్కాపురం శివకుమార్‌ నిర్మిస్తున్నారు. హారిస్ జైరాజ్ అందించిన ఆడియో ఇప్ప‌టికే విడుద‌ల‌ై సూప‌ర్‌హిట్ ఆడియోగా ప్రేక్ష‌కుల ప్ర‌శంసలు పొందుతుంది. ఈ చిత్రంలో రాధికా శరత్‌కుమార్, నాజర్, రాడాన్ రవి, సుమిత్ర ముఖ్య‌పాత్ర‌ల్లో న‌టిస్తున్నారు.