జూన్ 13 నుండి రామానాయుడు స్టుడియోలో ఎన్టీఆర్ పక్కా మాస్ 'ఊసరవెల్లి'

యంగ్ టైగర్ ఎన్టీఆర్ హీరోగా సురేందర్ రెడ్డి దర్శకత్వంలో తెరకెక్కుతున్న చిత్రం 'ఊసరవెల్లి'. ఈ చిత్రానికి సంబంధించిన షూటింగ్ కార్యక్రమాలు హైదరాబాద్ లో శరవేగంగా జరుగుతున్నాయి. ఈ మద్యనే రామోజీ ఫిలింసిటీ లో షెడ్యూల్ పూర్తిచేసుకున్న ఈ చిత్ర తాజా షెడ్యూల్ జూన్ 13 నుండి నానక్ రామ్ గూడా రామానాయుడు స్టుడియోలో జరగనుందని సమాచారం. ఈ చిత్రంలో జూ ఎన్టీఆర్ చాలా ప్రొఫిషనల్ హీరోగా నటించాడని అదే కోవలో మాస్ ఇరగదీసాడని సమాచారం.

ఇప్పటివరకు జరిగిన షూటింగ్ తో ఈ చిత్రం 60 శాతం పూర్తయిందని తెలుస్తుంది. తమన్నా హీరోయిన్ గా నటిస్తున్న ఈ చిత్రాన్ని శ్రీవెంకటేశ్వర సినీచిత్ర బ్యానర్ ఫై బి.వి.యస్.యన్. ప్రసాద్ నిర్మిస్తున్నారు. దేవిశ్రీ ప్రసాద్ ఈ సినిమాకు సంగీతాన్ని సమకూరుస్తున్నారు. సురేందర్ రెడ్డి జూ ఎన్టీఆర్ ను ఒక కొత్త పాత్ర లో ప్రదర్శించ బోతున్నాడని తెలుస్తుంది.