Don't Miss!
- Finance Blood Bath: వారాంతంలో కుప్పకూలిన మార్కెట్లు.. బేర్స్ చేతిలో Sensex-Nifty..
- Technology Vivo V30e ఇండియా లాంచ్ తేదీ వివరాలు! లీక్ అయిన ధర, స్పెసిఫికేషన్లు
- News టీడీపీ అభ్యర్దుల మార్పు, ఎవరెక్కడ - రఘురామ పై తాజా నిర్ణయం..!!
- Automobiles కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
‘ఊసరవెల్లి’ లాంటి సినిమా ఒక్కటి ఉంటే చాలు: తమన్నా
'హ్యాపీడేస్" చిత్రం సాధించిన విజయంతో క్రేజీతారగా ఎదిగిన తమన్నా ఇప్పుడు టాలీవుడ్ లోని అగ్రహీరోయిన్లలో ఒకరిగా భాసిల్లుతున్నారు. ప్రస్తుతం రామ్ చరణ్ సరసన 'రచ్చ" చిత్రంతో పాటు ప్రభాస్ కు జోడిగా 'రెబల్", రామ్ తో 'ఎందుకంటే ప్రేమంట" చిత్రంలో నటిస్తున్న ఈ ముద్దుగుమ్మకు టాలీవుడ్ లో మరిన్ని క్రేజీ ఆఫర్లు వరిస్తున్నాయి. ఇదలా వుంచితే ఈ మధ్య తమన్నాను ఎవరు కదిలించిన 'ఊసరవెల్లి" తను పోషించిన నిహారిక పాత్ర గురించే చెప్పుకొస్తుందట.
అంతేకాదు కథలో కీలకంగా వున్న ఆ పాత్రను పోషించడం తనకెంతో ఆనందంగా వుందని చెబుతున్న ఈ బ్యూటీ ఈ విషయమై స్పందిస్తూ ' గ్లామర్తో పాటు అభినయానికి ఆస్కారమున్న నిహారిక లాంటి పాత్రలు చాలా అరుదుగా లభిస్తుంటాయి. నా పాత్రకు మంచి ప్రశంసలు లభిస్తున్నాయి. ముఖ్యంగా కోమా నుంచి బయటికొచ్చిన తర్వాత కొన్ని సన్నివేశాల్లో నా నటన గురించి అందరి మాట్లాడుకుంటుంటే సంతోషంగా వుంది. ఎన్ని చిత్రాలు చేసినా కెరీర్ ముగింపులో చెప్పుకోవటానికి కొన్ని చిత్రాలే వుంటాయి. అందులో ఒకటిగా 'ఊసరవెల్లి తప్పకుండా వుంటుంది" అని తెలిపారు తమన్నా.
ఇలా టాలీవుడ్ లో బిజీ హీరోయిన్ గా కొనసాగుతున్న తమన్నా ఇటీవల ఓ సందర్భంలో గ్లామర్ గా నటించడంపై తన లిమిట్స్ గురించి మాట్లాడుతూ 'సినిమాకి గ్లామర్ చాలా ముఖ్యం. ఎబ్బెట్టుగా లేనంతవరకూ గ్లామర్ గా నటించడంలో తప్పులేదు. కాస్ట్యూమ్స్ డిపార్ట్ మెంట్ ఏ డ్రెస్స్ ఇచ్చి వేసుకోమంటే అది వేసుకుంటాము. కానీ లిమిట్ దాటి మరి ఎక్స్ పోజింగ్ డ్రెస్స్ ఇస్తే మాత్రం..దానికి బదులు వేరే డ్రేస్స్ వేసుకుంటే బెటర్ అని చెబుతుంటాను. అయినా ఇప్పుడున్న ట్రెండ్ ప్రకారమే నేను డ్రెస్సులు వేసుకుంటున్నానని అంటున్నది మిల్కీ బ్యూటీ తమన్నా.