చరణ్ ‘ఆరెంజ్’ మూవీ నష్టాలతో నాగబాబు ఆత్మహత్య యోచన, ఆదుకున్న పవన్

By Bojja Kumar

Updated: Monday, June 3, 2013, 15:34 [IST]

హైదరాబాద్ : మెగా పవర్ స్టార్ రామ్ చరణ్ తేజ్ హీరోగా బొమ్మరిల్లు భాస్కర్ దర్శకత్వంలో రూపొందిన 'ఆరెంజ్' మూవీ ఆ మధ్య విడుదలైన భారీ నష్టాలు చవి చూసిన సంగతి తెలిసిందే. దీంతో సంపాదించిందంతా పోగొట్టుకున్నాడు ఈ చిత్రాన్ని నిర్మించి నాగబాబు. ఈ చిత్రం నష్టాల వల్ల ఒకానొక దశలో ఆత్మహత్య చేసుకోవాలనే ఆలోచన చేసారట నాగబాబు. ఓ టీవీ కార్యక్రమంలో మాట్లాడుతూ నాగబాబే ఈవిషయాన్ని స్పష్టం చేసారు.

టీవీ షోలో ఆయన మాట్లాడుతూ....ఆరెంజ్ సినిమా వల్ల చాలా నష్టపోయాను. నా జీవితంలో సంపాదించుకున్నదంతా పోగా అప్పులపాలయ్యాను. ఒకానొక దశలో ఆత్మహత్య కూడా చేసుకోవాలనుకున్నాను. విషయం తెలుసుకున్న కళ్యాణ్...అప్పుల సంగతి తాను చూసుకుంటానన్నారు. ఆ తర్వాత రోజు అన్నయ్య పిలిచి 'నేనున్నాను అంతా మర్చిపో' అన్నారు.

సినిమా నిర్మాణం అనేది ఒక కళ. దానిపై కమాండ్ ఉన్నప్పుడే అందులో సక్సెస్ అవుతాం. నాకు అంత కమాండ్ లేదనే చెప్పుకోవచ్చు. నటుడిగా, నిర్మాతగా రెండు పడవలపై కాళ్లు పెట్టి దెబ్బతిన్నాను. పరిశ్రమలో అరవింద్ నన్ను తొక్కేస్తున్నారనే టాక్ ఉంది. కానీ అందులో నిజం లేదు అని చెప్పుకొచ్చారు... నాగబాబు.

త్వరలో తన తనయుడు వరుణ్ తేజ్ సినిమాల్లోకి వస్తున్నాడని, 6.4 అడుగుల ఎత్తుతో అందంగా ఉంటాడని, అశ్వినీదత్ నిర్మాతగా ఆ సినిమా రూపొందుతోందని.....త్వరలో సినిమాకు సంబంధించిన పూర్తి వివరాలు వెల్లడిస్తానని చెప్పుకొచ్చారు నాగబాబు.

More from Filmibeat