హోమ్

న్యూస్

సంతోష్ శోభన్, రియా సుమన్ హీరో హీరోయిన్లుగా జయశంకర్ దర్శకత్వంలో తెరకెక్కిన 'పేపర్ బాయ్' సినిమాపై టాలీవుడ్ సూపర్ స్టార్ మహేష్ బాబు ప్రశంసల వర్షం కురిపించారు. ఇటీవల విడుదలైన ఈ మూవీ ట్రైలర్ చూసిన మహేష్... ట్విట్టర్లో ఓ పోస్టు పెట్టారు.

పేపర్ బాయ్ ట్రైలర్ చూశాను. ఫ్రెష్ గా..ప్లెజెంట్ గా ఉంది అంటూ పొగడ్తలు గుప్పించారు. దివంగత దర్శకుడు శోభన్ గారితో నేను కలిసి పని చేశాను. ఆయన కుమారుడు సంతోష్ ఈ సినిమాలో హీరోగా నటించడం మరింత ఆనందంగా ఉంది. ఈ సినిమా మంచి విజయం సాధించాలి. చిత్ర బృందానికి నా శుభాకాంక్షలు అంటూ ట్వీట్ చేశారు. శోభన్ దర్శకత్వంలో మహేష్ బాబు గతంలో 'బాబీ' అనే సినిమా చేసిన సంగతి తెలిసిందే.

Watched the trailer of #Paperboy. Looks extremely fresh & pleasant :) On a personal note, it is even more heartwarming for me, having worked with his father the Late Shoban garu. Truly wishing #SantoshShoban & his team the best for its release. 👍👍 https://t.co/2IAak2HUky

— Mahesh Babu (@urstrulyMahesh) August 23, 2018

ఆగస్టు 31న ప్రేక్షకుల ముందుకు వస్తున్న ఈ సినిమాల ద్వారా హ్యాపీ ఎండింగ్, హాఫ్ గర్ల్‌ఫ్రెండ్, గాడ్ మస్ట్ బి క్రేజీ లాంటి షార్ట్ ఫిల్మ్స్‌తో తనకంటూ ప్రత్యేక గుర్తింపు తెచ్చుకున్న యంగ్ ఫిల్మ్ మేకర్ వి జయశంకర్ ఈ సినిమా ద్వారా దర్శకుడిగా పరిచయం అవుతున్నారు.

ఈ చిత్రంలో సంతోష్ శోభన్, రియా సుమన్, తన్య హోప్, పోసాని కృష్ణమురళి, బిత్తిరి సత్తి, విద్యుల్లేఖ రామన్, జయప్రకాష్ రెడ్డి, అన్నపూర్ణమ్మ, అభిషేక్ మహర్షి, మహేష్ విట్టా తదితరులు నటిస్తున్నారు.

కథ - స్క్రీన్ ప్లే - డైలాగ్స్ : సంపత్ నంది, డైరెక్షన్: వి. జయశంకర్, నిర్మాతలు: సంపత్ నంది,రాములు, వెంకట్, నరసింహ, సంగీతం: భీమ్స్, ఎడిటర్: తమ్మిరాజు, సినిమాటోగ్రఫి: సుందర్ రాజన్,
ఆర్ట్: రాజీవ్, స్క్రిప్ట్ కో ఆడినేటర్: సుధాకర్ పావులూరి, ఎగ్జిక్యూటివ్ ప్రొడ్యూసర్: మురళి మామిళ్ల.