‘టాక్సీవాలా’ను కాపాడింది అతడే: పరుచూరి హాట్ కామెంట్

విజయ్ దేవరకొండ లేకుంటే సినిమా ఆడేది కాదు

ఈ సినిమాలో విజయ్ దేవరకొండ లేకుంటే ఇంత బాగా ఆడుండేదా? ఏమో... ఆడుండక పోవచ్చు. ఎందుకంటే ఫస్టాఫ్ మొత్తాన్ని విజయ్ దేవరకొండ భరించాడు. సెకండాప్ మొత్తాన్ని కథ రాసిన రాహుల్ సంక్రిత్యాన్ భరించాడు. అణుక్షణం మనకు ఎలిమెంట్ ఆఫ్ ఇంట్రెస్టుతో తీసుకెళ్లాడు.

ఆ పాయింట్ నమ్మించక పోతే అంతే

ఇందులో డైరెక్టర్‌ను పొగడాల్సింది ఏమిటంటే... మీరు రెండున్నర గంటలు సినిమా చూస్తున్నపుడు ఏ నటుడు నటించినట్లు లేదు. వారు జీవించినట్లు ఉన్నారు. ప్రతి పాత్రను ఇది నిజంగా మన కళ్లముందే జరుగుతోంది అనే భావన తీసుకొచ్చాడు. ఎందుకు తీసుకొచ్చాడంటే సెకండాఫ్ లో ఉన్న కథ అలాంటిది. ఇక్కడ నిజంగానే కథ జరుగుతుంది అని మిమ్మల్ని నమ్మించక పోతే కష్టం అవుతుంది. ఈ కథ ప్రమాదకరమైన సైంటిఫిక్ పాయింట్ ఉన్న కథ. దాన్ని నమ్మించడంలో సక్సెస్ అయ్యాడు.

డబుల్ ప్రాఫిట్స్: ‘టాక్సీవాలా' ఫస్ట్ వీక్ కలెక్షన్స్

అయ్యో ఈ అమ్మాయికి న్యాయం జరుగాలి అనే ఆలోచన మనకు రాక పోతే

ఆ తర్వాత ఇద్దరు హీరోయిన్లకు మార్కులు వేయాలి. ఇందులో వాళ్ల అందానికి కాదు... అభినయానికి వేయాలి. ప్రియాంక చాలా నేచురల్ గా కనిపించింది. మాళవిక నాయర్ అయితే నా మనవరాలిని గుర్తు చేసింది. ఆ అమ్మాయి తన కథలోకి థియేటర్లోని ప్రేక్షకులను కనెక్ట్ చేసింది. అయ్యో ఈ అమ్మాయికి న్యాయం జరుగాలి అనే ఆలోచన మనకు రాక పోతే ఈ సినిమా ఇంత విజయం పొందేది కాదు... అని తెలిపారు.

స్క్రీన్ ప్లే బావుంది

సినిమా తొలి వారమే ఎంత వసూలు చేసిందో చూశారు. సెకండ్ వీక్ కూడా 95 శాతం థియేటర్లు నిండాయి. సినిమాలోని ఆర్టిస్టులందరూ అద్భుతంగా చేశారు. హీరో కనపడక పోతే హీరో కోసం సినిమాకు వచ్చిన వారికి ఎంత విసుగు పుడుతుందో నాకు నాకు తెలుసు. అది రాకుండా చేయాలంటే స్క్రీన్ ప్లే ముఖ్యం. అందుకు సాయి కిరణ్ రెడ్డిని మనం మెచ్చుకోవాలి.

కొత్త హాస్య నటుడిని

సినిమాలో విష్ణు చేసిన హాలీవుడ్ అనే పాత్ర బావుంది. కేవలం హాలీవుడ్ టైటిల్స్ చెప్పి నవ్వించడం మామూలు విషయం కాదు కాదు. ప్రీ క్లైమాక్స్‌లో మార్చురీలో సీన్ అయితే చాలా బావుంది. ఒక మంచి అద్భుతమైన హాస్య నటుడిని ఇండస్ట్రీకి ఇచ్చేశారు... అని పరుచూరి గోపాలకృష్ణ తన విశ్లేషణ అందించారు.