»   »  మళ్ళీ మెగా ఫోన్ పట్టనున్న పవన్ ?

మళ్ళీ మెగా ఫోన్ పట్టనున్న పవన్ ?

Posted By:
Subscribe to Filmibeat Telugu
    Pawan Kalyan
    'జాని' ఘోర పరాజయం తర్వాత పవన్ కళ్యాణ్ మళ్ళీ యాక్షన్ కట్ చెప్పటానికి ప్రిపేర్ అవుతున్నాడని తెలుస్తోంది. ఆ సినిమా మరేదో కాదుట. 'బంగారం' నిర్మాణ సమయంలోనే లాంఛనంగా ప్రారంభమైన 'సత్యాగ్రహి'. అప్పట్లో శ్రీ సూర్యా మూవీస్ అధినేత ఎ.ఎం. రత్నం ఈ సినిమాను నిర్మించాలనుకున్నారు. అయితే ఆ తర్వాత వరస ఫ్లాపులతో రత్నం నిండా నష్టాల్లో కూరుకు పోవడంతో ఆయన 'సత్యాగ్రహి'ని నిర్మంచలేనని పవన్‌కు తేల్చి చెప్పేశారు. కానీ పవన్ కి ఆప్రాజెక్టు పై ఆసక్తి తగ్గలేదు. దాదాపు రెండేళ్ల తర్వాత నూకారపు సూర్య ప్రకాశరావు రూపంలో పవన్‌కు నిర్మాత లభించాడు. అలాగే 'సత్యాగ్రహి'ని పవన్ దర్శకత్వంలోనే నిర్మించేందుకు నూకారపు ఆనందంగా అంగీకరించారని తెలుస్తోంది.

    దాంతో ఒకవైపు 'పులి' కోసం పవన్ సిద్ధమవుతూనే, మరోవైపు 'సత్యాగ్రహి' స్క్రిప్టును తన రచయితల బృందంతో కలిసి తయారు చేస్తున్నాడు . ఇప్పటికి ఆ స్క్రిప్ట్ 75 శాతం దాకా పూర్తయిందని అంటున్నారు. అర్జెంటీనా విప్లవ యోధుడు చేగువేరాని అమితంగా ఆరాధించే పవన్, ఆయన స్ఫూర్తితో ఈ కథను రూపొందిస్తున్నాడు. అన్నీ అనుకూలిస్తే ఈ సినిమా 2009 జనవరిలో సెట్స్ మీదకు వెళ్లే అవకాశాలున్నాయి. పూర్తవటానికి ఒక యేడాది గ్యారింటీగా పడుతుంది. అంటే పవన్ దర్శకత్వంలో తయారయ్యే సినిమా చూడాలంటే మనం మరో రెండేళ్ళు ఆగాలి.

     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more