తెలుగు చిత్రసీమలో విషాదం: ప్రముఖ నిర్మాత మృతి.. సినీ పెద్దల సంతాపం

అనారోగ్యంతో మృతి.. సినీ ప్రముఖుల సంతాపం

గత కొంతకాలంగా అనారోగ్యంతో బాధపడుతున్న సి. వెంకట్ రాజు మార్చి 8న (ఆదివారం) రోజు చెన్నైలో మృతిచెందారు. సోమవారం వెంకట్ రాజు అంత్యక్రియలు చెన్నైలోనే జరుగుతాయని ఆయన కుటుంబ సభ్యులు చెప్పారు. ఈయన మృతి పట్ల పలువురు సినీ ప్రముఖులు సంతాపం తెలియజేస్తున్నారు.

సి. వెంకట్ రాజు స్వగ్రామం.. తల్లిదండ్రులు

సి. వెంకట్ రాజు పూర్తి పేరు చమర్తి వెంకట్రాజు. చిత్తూరు జిల్లా సిద్దిరాజు కండ్రిగ గ్రామంలో 1948 మే 25న ఆయన జన్మించారు. ఆయన తల్లిదండ్రులు చమర్తి నారపరాజు, వెంకటమ్మ. అదే గ్రామానికి చెందిన శివరాజుతో కలిసి ఆయన శ్రీ విజయలక్ష్మి ఆర్ట్స్‌ ప్రొడక్షన్స్‌ అనే పతాకాన్ని స్థాపించారు.

సూపర్ హిట్ సినిమాలకు నిర్మాత

ఈ విజయలక్ష్మి ఆర్ట్స్‌ ప్రొడక్షన్స్‌ పతాకంపై ''టూటౌన్‌ రౌడీ, నియంత, అహంకారి, ఆదర్శం, ఆరంభం'' లాంటి సినిమాలు రూపొందించిన అనంతరం గీత చిత్ర ఇంటర్నేషనల్‌ అనే మరో బ్యానర్ స్థాపించి సూపర్ డూపర్ హిట్ సినిమాలను రూపొందించారు.

Recommended Video

Rana Daggubati Hilarious Act With Anchor Suma At Jersey Success Meet || Filmibeat Telugu

ప్రభాస్, వెంకటేష్‌లతో సినిమాలు

ఈయన ఎక్కువగా విక్టరీ వెంకటేష్ సినిమాలకు నిర్మాతగా వ్యవహరించారు. వీరిద్దరి కాంబినేషన్‌లో వచ్చిన తొలి సినిమా ‘2 టౌన్ రౌడీ'. ఆ తర్వాత వెంకటేష్ తో కలిసి ‘పవిత్ర బంధం, పెళ్లిచేసుకుందాం' లాంటి సూపర్ హిట్ చిత్రాలను నిర్మించారు. ప్రభాస్ హీరోగా వచ్చిన చక్రం సినిమాకు కూడా ఈయనే నిర్మాత.