పులి పై పవన్ హామీ

By Staff

| Published: Wednesday, April 15, 2009, 10:14 [IST]

పవన్ కళ్యాణ్ తన పులి చిత్రం ఇప్పుడిప్పుడే షూటింగ్ స్టార్ట్ కాదు అన్న వార్తలకు బ్రేక్ వేసారు. ఏప్రియల్ మూడవ వారం నుంచి షూటింగ్ లో రెగ్యులర్ గా పాల్గొంటానని మీడియాకి చెప్పారు. కళ్లు తిరిగి పడిపోయి రికవరి అయిన అనంతరం ఓ ప్రైవేట్ టీవి చానెల్ తో మాట్లాడుతూ ఈ విషయం స్పష్టం చేసారు. నేను సెకెండ్ ఫేజ్ పోలింగ్ వరకూ ప్రజారాజ్యం పార్టీ ప్రచారం చేస్తానని కమిట్ అయ్యాను..అది నెరవేరుస్తున్నాను. అనంతరం పులిని ఫినిష్ చేస్తాను అన్నారు. అంటే ఏప్రియల్ ఇరవై మూడు వరకూ ఆ బిజీలో ఉంటారన్నమాట.

ఇక అదే సమయంలో తన సోదరుడు చిరంజీవి తప్పనిసరిగా గెలుస్తారని ధీమా వ్యక్తం చేసారు.చిరంజీవి పరాజయం పొందుతారంటూ వచ్చిన సర్వేల గురించి ప్రస్తావిస్తే అదేం లేదని ఇంతకు ముందు ఎన్డీఏ ప్రభుత్వం అధికారంలోకి వస్తుందని సర్వేలు చెప్పాయి..కానీ ఏమయ్యింది..కాంగ్రెస్ అధికారంలోకి వచ్చింది..ఇప్పుడు అలాగే జరుగుతుంది..వాటిని నమ్మాల్సిన పనిలేదు అన్నారు...అలాగే రేపు చిరంజీవి ముఖ్యమంత్రి అయినా తను సినిమాల్లో నటిస్తూనే ఉంటానని అభిమానులకు హామీ ఇచ్చారు.

ఇక ఈ చిత్రం ఇప్పటివరకూ దాదాపు డెబ్బై శాతం మాత్రమే పూర్తయింది. మరో ప్రక్క ఎడిటింగ్ కార్యక్రమాలు సైతం సైమన్టైనస్ గా చేస్తున్నారు. షూటింగ్ ఫినిష్ కాకపోవటంతో ఈ నిర్ణయం తీసుకోకతప్పలేదంటున్నారు యూనిట్ వర్గాలు. ఇక ఖుషి చిత్రం కాంబినేషన్ రిపీట్ అవుతున్న చిత్రం కావటంతో దీనిపై పరిశ్రమలోనే కాక బయిట కూడా భారీ అంచనాలు ఉన్నాయి. వీటికి తోడు పవన్ తొలిసారిగా ద్విపాత్రాభినయం చేయటం, ఎ.ఆర్.రహ్మాన్ సంగతం మరింత క్యూరియాసిటీని లేపుతున్నాయి.

ఇక పవన్ డేట్స్ సర్దుబాటుని బట్టి బ్యాలన్స్ షూటింగ్ షెడ్యూల్స్ ప్లాన్ చేసి, ఆగస్టులో సినిమాను ప్రేక్షకుల ముందుకు తేవాలనేది దర్శకనిర్మాతల ఆలోచన. అలాగే ఈ చిత్రంలో పవన్ కు జోడిగా నిక్కిషా పటేల్ (తొలి పరిచయం), ప్రతినాయక పాత్రలో మనోజ్ బాజ్ పేయి, చరణ్ రాజ్, మిగతా పాత్రల్లో శరణ్య, నాజర్, ఆలీ తదితరులు ఇతర పాత్రలు పోషిస్తున్నారు. బాలీవుడ్ కెమెరామెన్ బినోద్ ప్రదాన్ సినిమాటోగ్రఫీ, విజయన్ ఫైట్స్ అందిస్తున్నారు. పవన్ కెరీర్ లో ఇది ఓ సంచలన చిత్రం అవుతుందని అంతా భావిస్తున్నారు.