అభినందన్‍‌ను టార్చర్ పెట్టొద్దు, పాకిస్థాన్ ఆ విషయం గుర్తుపెట్టుకోవాలి: పవన్ కళ్యాణ్

భారత ప్రభుత్వానికి అండగా ఉంటాం

ఇలాంటి సమయంలో తెలుగు ప్రజలందరి తరుపున, దక్షిణ భారత దేశ ప్రజలందరి తరుపున.. భారత ప్రభుత్వానికి, ప్రధాన మంత్రికి యుద్ధ సమయంలో మేమంతా అండగా ఉంటాం. ఇది దేశ సమస్య, ఒక పార్టీ సమస్య కాదని పవన్ కళ్యాణ్ వ్యాఖ్యానించారు.

టార్చర్ పెట్టొద్దు, యుద్ధం జరిగితే చాలా నష్టం

జెనీవా కన్వెన్స్ ప్రకారం యుద్ధ ఖైదీలను టార్చర్ చేయకుండా గౌరవంగా ట్రీట్ చేసి, యుద్ధ వాతావరణం అయిపోయిన తర్వాత క్షేమంగా వదిలిపెట్టాల్సిన బాధ్యత పాకిస్థాన్ ప్రభుత్వం మీద ఉంది. ఎందుకంటే యుద్ధం జరిగితే ఇరు వైపులా చాలా బలమైన నష్టాలు జరిగే అవకాశం ఉందన్నారు.

శుక్రవారం విడుదల కానున్న అభినందన్

ఇదిలా ఉంటే.. అంతర్జాతీయ సమాజం నుంచి వస్తోన్న ఒత్తిడితో భారత వింగ్ కమాండర్ అభినందన్‌ను విడుదల చేసేందుకు పాకిస్థాన్ అంగీకరించింది. శుక్రవారం ఆయనను రిలీజ్ చేస్తామని ప్రకటించింది. ఈ మేరకు పాకిస్థాన్ ప్రధానమంత్రి ఇమ్రాన్ ఖాన్ స్వయంగా మీడియాకు తెలిపారు.

దేశ వ్యాప్తంగా ప్రార్థనలు

పాకిస్థాన్ సైన్యానికి చిక్కిన పైలట్ అభినందన్ క్షేమంగా భారత్ తిరిగి రావాలని దేశ వ్యాప్తంగా ప్రార్థనలు జరుగుతున్నాయి. భారత్-పాక్ సరిహద్దుల్లో యుద్ద వాతావరణం, అభినందన్ విషయంలో చోటు చేసుకుంటున్న పరిణామాలను దేశ ప్రజలు ఉత్కంఠగా పరిశీలిస్తున్నారు.