అసలు సిసలు అప్డేట్.. పవన్ కళ్యాణ్-క్రిష్ ప్రాజెక్ట్ టైటిల్ అండ్ ఫస్ట్ లుక్!

క్రిష్ ప్రాజెక్ట్ అలా..

క్రిష్ పవన్ కళ్యాణ్ ప్రాజెక్ట్ అప్పుడెప్పుడో మొదలైంది. అయితే కరోనా, లాక్డౌన్ వల్ల అంతా తారుమారైంది. అయితే షూటింగ్ మొదలుపెడదామని అనుకునే ప్రతీ సారి ఏదో అడ్డంకి ఏర్పడుతూనే వచ్చింది. అయితే చివరకు మరో సినిమా మధ్యలోకి వచ్చి చేరింది.

ఆ రీమేక్‌తో ఇలా..

వకీల్ సాబ్ సినిమా తరువాత క్రిష్ ప్రాజెక్ట్ పట్టాలెక్కుతుందని అంతా భావించారు. కానీ అనూహ్యంగా మధ్యలో అయ్యప్పనుమ్ కోషియుమ్ రీమేక్ వచ్చి పడింది. ఈ సినిమాకు తక్కువ డేట్స్ ఇవ్వడం, త్వరగా పూర్తి అవుతుందని ఈ సినిమాను మొదలుపెట్టారు.

క్రిష్ ప్రాజెక్ట్ కోసం..

ఇక ఈ మధ్యే క్రిష్ ప్రాజెక్ట్ కోసం ఓ భారీ సెట్‌ను వేశారట. చార్మినార్‌ను తెరపై అద్భుతంగా ఆవిష్కరించేందుకు ఆర్ట్ డిపార్ట్మెంట్ బాగానే కష్టపడుతోంది. 17వ శతాబ్దం నాటి పరిస్థితులను మళ్లీ తెరపై చూపించేందుకు క్రిష్ భారీ ప్రయత్నాలు చేస్తున్నాడట.

అప్డేట్ అలా..

అయితే తాజాగా క్రిష్ పవన్ కళ్యాణ్ ప్రాజెక్ట్‌కు సంబంధించిన అప్డేట్ వచ్చేసింది. మహాశివరాత్రి సందర్భంగా సినిమాకు సంబంధించిన ఫస్ట్ లుక్ అండ్ టైటిల్‌ను రిలీజ్ చేస్తామని మేకర్స్ ప్రకటించారు. ఏఎం రత్నం నిర్మిస్తోన్న ఈ మూవీ ఫస్ట్ లుక్‌ను మార్చి 11న రిలీజ్ చేయనున్నామని తెలిపారు.

అలా ప్రచారం..

క్రిష్ తన ప్రాజెక్ట్‌కు పేరు పెట్టడంలో ఎంతో నిష్ణాతుడో అందరికీ తెలిసిందే. గమ్యం, కంచె, కృష్ణంవందేజగద్గురం వంటి టైటిల్స్ జనాల్లో ఎంతో ఎక్కేశాయి. అలా ఈ సినిమాకు కూడా మంచి టైటిల్‌ను ఫిక్స్ చేసినట్టు తెలుస్తోంది. విరూపాక్ష అనే టైటిల్ ఎక్కువగా ప్రచారంలోకి వచ్చింది. మరి సినిమాను టైటిల్ ఏమై ఉంటుందో తెలియాలంటే ఇంకొన్ని రోజులు ఆగాల్సిందే.