యుక్తా ఫోటోలు: లండన్లో పవన్ కళ్యాణ్‌కి గ్రాండ్ వెల్‌కం, ఏం మాట్లాడారంటే..

By Bojja Kumar

Updated: Saturday, July 9, 2016, 16:43 [IST]

హైదరాబాద్: పవర్ స్టార్ పవన్ కళ్యాణ్ యుక్తా(UKTA-యూనైటెడ్ కింగ్‌డమ్ తెలుగు అసోసియేషన్) 6వ వార్షికోత్సవ వేడుకల్లో పాల్గొనేందుకు లండన్ వెళ్లిన సంగతి తెలిసిందే. శనివారం జరిగే యూక్తా వార్షికోత్సవ వేడుకల్లో పవన్ కళ్యాణ్ ముఖ్య అతిథిగా పాల్గొంటున్నారు. ఈస్ట్ లండన్ లోని ట్రాక్సీ థియేటర్లో ఈ వేడుకలు గ్రాండ్ గా నిర్వహించారు.దాదాపు 2 వేల మంది తెలుగు వారు ఈ వేడుకల్లో పాలు పంచుకుంటున్నారు.

ఈ వేడుకలో పవన్ కళ్యాణ్ మాట్లాడుతూ...తెలుగు సంప్రదాయాలను భావితరాలకు పంచేందుకు ఇలాంటి ఉత్సవాలు ఎంతగానో దోహదం చేస్తాయన్నారు. ఈ సందర్భంగా స్థానిక కళాకారులతో పవన్ సమావేశమయ్యారు. తన సినిమాల్లో ఇలాంటి సంప్రదాయాలు ప్రతిబింబించేలా చూస్తానని ఆయన తెలిపారు.

అంతకు ముందు...శుక్రవారం సాయంత్రం లండన్ చేరుకున్న పవన్ కళ్యాణ్ కు నిర్వాహకులు, అభిమానుల నుండి గ్రాండ్ వెల్ కం లభించింది. భారీ సంఖ్యలో అభిమానులు లండన్ ఎయిర్ పోర్టుకు తరలి వచ్చారు. పదుల సంఖ్యలో ప్రత్యేక వాహనాలు ఏర్పాటు చేసి ఆయన్ను అక్కడి నుండి ర్యాలీగా తీసుకెళ్లారు.

వాస్తవానికి పవన్ కళ్యాణ్ ఇలాంటి వేడుకలకు ముందు నుండీ దూరంగా ఉంటూ వస్తున్నారు. అయితే ఆయన తొలిసారి ఇలాంటి ఎన్నారై సెలబ్రేషన్స్ లో పాల్గొంటున్నారు.

స్లైడ్ షోలో పవన్ కళ్యాణ్ లండన్ ఫోటోస్....

మొదటిసారి

పవన్ కళ్యాణ్ లండన్లో మొదటి సారి ఎన్నారైల వేడుకలో పాల్గొనేందుకు వచ్చారు.

శరత్ మరార్ కూడా

పవన్ కళ్యాణ్ తో పాటు ఆయన స్నేహితుడు, ప్రస్తుతం ఆయనతో సినిమా చేస్తున్న నిర్మాత శరత్ మరార్ కూడా వచ్చారు.

అభిమానుల హడావుడి

లండన్ ఎయిర్ పోర్టు వద్ద పవన్ కళ్యాణ్ రాక సందర్బంగా అభిమానులు జాతీయ జెండా ప్రదర్శిస్తూ హడావుడి చేసారు.

గ్రాండ్ వెల్ కం

యుక్తా నిర్వాహకులు, అభిమానుల సమక్షంలో పవన్ కళ్యాణ్ కు గ్రాండ్ వెల్ కం లభించింది.

పవన్ చేతుల మీదుగా సన్మానం

యుక్తా వేడుకల్లో కూచిపూడి నాట్యారామం కళాకారులను, సాంప్రదాయ కూచిపూడి కళాకారులను, గబ్బర్ సింగ్ ఫేం జానపద సినీ గాయకుడు వడ్డేపల్లి శ్రీనివాస్ ను పవన్ కళ్యాణ్ సన్మానిస్తారు.