Don't Miss!
- News ఎల్లుండే వైసీపీలోకి యనమల ? చర్చలు పూర్తి..!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మీడియాలో పవన్-చిరంజీవి గురించి రచ్చ!
హైదరాబాద్: పవన్ కళ్యాణ్ ఇటీవల జరిగిన ‘పిల్లా నువ్వు లేని జీవితం' ఆడియో వేడుకకు గైర్హాజరవ్వడం మరోసారి మీడియాకు చేతి నుండా పని కల్పించినట్లయింది. ఇదే అదునుగా చిరంజీవి-పవన్ కళ్యాణ్ మధ్య విబేధాలు ఇంకా కొనసాగుతున్నాయంటూ వార్తలు వండి పెడుతున్నారు.
అక్టోబర్ 25న జరిగిన ఈ ఆడియో వేడుకకు మెగా హీరోలందరూ హాజరయ్యారు. చిరంజీవి చేతుల మీదుగా ఆడియో వేడుక జరుగగా, నాగ బాబు, రామ్ చరణ్, అల్లు అర్జున్, వరుణ్ తేజ్ హాజరయ్యారు. అయితే పవన్ కళ్యాణ్ మాత్రం గైర్హాజరయ్యారు. దీంతో కావాలనే అన్నయ్య హాజరైన వేడుకకు పవన్ కళ్యాణ్ దూరంగా ఉన్నారనే ప్రచారం మొదలైంది.
అయితే ఎప్పటిలాగే మెగా ఫ్యామిలీ మెంబర్స్...మా మధ్యఎలాంటి విబేధాలు లేవు, మేమంతా కలిసే ఉన్నా, ఒకటే ఫ్యామిలీ, ఒకే బ్లడ్ అంటూ ప్రసంగాలు దంచేసారు. ఆడియో వేడుకలో రామ్ చరణ్ మాట్లాడుతూ...మీరు బాబాయ్ పవన్ కళ్యాణ్ సభలో ఉండాలని ఎంత గట్టిగా కోరుకుంటున్నారో...మీకన్నా ఎక్కవ వందరెట్లు నాకుంది. మీరు ఎప్పుడు సభలో పవర్ స్టార్ అని అరిచినా నేను మాట్లాడను. ఎందుకంటే నాకు మైక్ ఇచ్చినా నాకు కూడా అలాగే అరవాలని ఉంటుంది. మీరూ అరిచి, నేనూ అరచి, బాగుండదు కాబట్టి నేను ఎప్పుడూ మాట్లాడను. ఆయనకి నా మీద ఉన్న ప్రేమ లేదా నాకు ఆయన మీద ఉన్న ప్రేమ పబ్లిక్ గా చెప్పుకోనక్కర్లేదు. మీకు మీ మమ్మీ,డాడీ మీద ప్రేమ ఉందో లేదో పబ్లిక్ గా చెప్పుకోనక్కర్లేదు. అలాగే మేము చెప్పుకోము ఎప్పుడూ. ఫర్వాలేదు..మీరు అరుస్తూనే ఉండండి. మేం లోపల దాన్ని ఎంజాయ్ చేస్తూనే ఉంటాం అన్నారు రామ్ చరణ్. ఆయన తాజాగా హాజరైన పిల్లా నువ్వు లేని జీవితం ఆడియో పంక్షన్ లో అభిమానులంతా పవర్ స్టార్ అని అరుస్తూంటే ఇలా స్పందించారు.