భాగ్యలక్ష్మి ఎవరు? తికమకలో పవన్ కళ్యాణ్!

By Bojja Kumar

Published: Saturday, August 24, 2013, 13:18 [IST]

హైదరాబాద్ : ఇటీవలే 'అత్తారింటికి దారేది' చిత్రం షూటింగ్ పూర్తి చేసిన పవన్ కళ్యాణ్ తన తర్వాతి సినిమాకు రెడీ అవుతున్నారు. 'పవన్ కళ్యాణ్ గబ్బర్ సింగ్-2' పేరుతో రూపొందబోయే ఈ చిత్రానికి సంపత్ నంది దర్శకత్వం వహిస్తున్నారు. ఈచిత్రం షూటింగ్ త్వరలో ప్రారంభం కానుంది.

పవర్ స్టార్ పవన్ కళ్యాణ్ సినిమాల్లో హీరోయిన్లకు ప్రత్యేక స్థానం ఉంటుంది. ఆయన పక్కన చాన్స్ దక్కితే చాలు అనుకునే హీరోయిన్లు ఎందరో. అయిటే ఇప్పటి వరకు 'పవన్ కళ్యాణ్ గబ్బర్ సింగ్-2' చిత్రానికి హీరోయిన్ ఖరారు కాలేదు. 'గబ్బర్ సింగ్' చిత్రంలో శృతి హాసన్ చేసిన 'భాగ్యలక్ష్మి' పాత్ర సినిమాలో ఎంతో కీలకంగా మారింది.

ఈ నేపథ్యంలో 'పవన్ కళ్యాణ్ గబ్బర్ సింగ్-2' సినిమాలో కూడా భాగ్యలక్ష్మి పాత్ర కీలకంగా మారనుంది. అయితే ఈ పాత్రకు మళ్లీ శృతి హాసన్‍‌నే తీసుకుందామా? లేక కొత్త హీరోయిన్‌‌తో ఆ పాత్ర చేయిద్దామా అనే తికమకలో ఉన్నారట దర్శకుడు. పవన్ కళ్యాణ్ కూడా హీరోయిన్ విషయంలో ఇప్పటి వరకు ఓ నిర్ణయానికీ రాలేదని సమాచారం. పవన్ కళ్యాణే ఈ పాత్రకు హీరోయిన్ ఎవరనే విషయం ఖరారు చేస్తారని యూనిట్ సభ్యులు అంటున్నారు.

నార్త్ స్టార్ ఎంటర్టైన్మెంట్ ప్రై.లిమిటెడ్ పతాకంపై శరత్ మరార్ ఈ సినిమాని నిర్మిస్తున్నాడు. ఈ నిర్మాత పవన్ కళ్యాణ్ కు చాలా దగ్గరి సన్నిహితుడు అన్న విషయం మనకు తెలిసిందే. సెప్టెంబర్ నెలాఖరున సెట్స్ పైకి వెళ్లనున్న ఈ సినిమా ప్రస్తుతం ప్రీప్రొడక్షన్ స్టేజిలో ఉంది. త్వరలో పూర్తి వివరాలు తెలియనున్నాయి.

More from Filmibeat