ఫిలిం చాంబర్ వద్ద పవన్ కళ్యాణ్ నిరసన... నాగబాబు, అల్లు అర్జున్, తేజ్ కూడా!

నిరసన తెలిపిన పవన్ కళ్యాణ్

ఫిలిం చాంబర్ వద్ద నిరసన తెలిపేందుకు వచ్చినపవన్ కళ్యాణ్ మూవీ ఆర్టిస్ట్ అసోసియేషన్‌ సభ్యులతో సమావేశం అయ్యారు. . శ్రీరెడ్డి సభ్యత్వాన్ని రద్దు చేయడం, తర్వాత పునరుద్ధరించడం తదనంతరం పరిణామాలపై ఆయన ‘మా' సభ్యులతో చర్చిస్తున్నారు.

శ్రీరెడ్డి వ్యవహారంలో ఏం జరిగిందని ఆరా

అసలు శ్రీరెడ్డి ఎవరు? ఆమె ఆందోళనకు దిగడానికి గల కారణాలు ఏమిటి? ‘మా' ఆమె పట్ల అలా ఎందుకు ప్రవర్తించింది, సభ్యత్వం విషయంలో జరిగిన గొడవలు ఏమిటి అనే విషయాలపై పవన్ కళ్యాణ్ ఆరా తీస్తున్నారు.

పవన్ కళ్యాణ్‌కు మద్దతుగా కదిలిన సినీ లోకం

జనసేన అధినేత పవన్ కళ్యాణ్ కి మద్దతుగా ఫిల్మ్ ఛాంబర్ వద్దకు అల్లు అర్జున్, పరుచూరి వెంకటేశ్వరరావు, నరేష్, మెహెర్ రమేష్, సాయి ధరమ్ తేజ్ తదితరులు చేరుకున్నారు.

భావోద్వేగానికి గురైన పవన్ కళ్యాణ్

పవన్‌పై శ్రీరెడ్డి వ్యాఖ్యల వెనుక తానున్నానని దర్శకుడు రామ్‌గోపాల్‌ వర్మ ప్రకటించడంపై మెగా కుటుంబం ఇప్పటికే ఆగ్రహం వ్యక్తం చేసిన సంగతి తెలిసిందే. కాస్టింగ్‌ కౌచ్‌ వివాదంలో తనను అనవసరంగా లాగడం, తన తల్లిపై అనుచిత వ్యాఖ్యలు చేయడంపై భావోద్వేగంతో కూడిన ట్వీట్స్ చేశారు.

వీటన్నింటికంటే మించిన షోను మీకు చూపిస్తాను: పవన్ ఆగ్రహం

‘నాపై ఆరోపణలు చేస్తున్నవారికి, చేయిస్తున్న వారికి అమ్మలు, అక్కలు, కోడళ్లు ఉన్నారు. కానీ వారి ఇంట్లో మహిళలే సురక్షితంగా ఉండాలని కోరుకుంటున్నారు. టీఆర్‌పీలు, రాజకీయ లాభాల కోసం వయసైపోతున్న నా 70 ఏళ్ల తల్లిని దూషిస్తున్నారు. మీరంతా టీఆర్‌పీల కోసం షోలు నిర్వహిస్తున్నారు కదా? మంచిది. వీటన్నింటికంటే మించిన షోను మీకు చూపిస్తాను.... అంటూ పవన్ కళ్యాణ్ వ్యాఖ్యానించారు.