‘రగడ’ డైరెక్టర్ కి గ్రీన్ సిగ్నల్ ఇచ్చిన పవన్ కళ్యాణ్...!

ప్రస్తుతం విష్ణువర్ధన్ డైరెక్షన్ లో కోల్ కతా బ్యాక్ డ్రాప్ లో 'కాళీ' చిత్రాన్ని చేస్తున్న పవన్ కల్యాణ్, దీని తర్వాత హరీష్ శంకర్ దర్శకత్వంలో 'గబ్బర్ సింగ్' సినిమా చేస్తాడు. దాంతో పాటు పవన్ కల్యాణ్ కథానాయకుడుగా సింగీతం శ్రీనివాసరావు దర్శకత్వంలో ఓ అంతర్జాతీయ చిత్రం రూపొందుతున్న సంగతి మనకు తెలుసు. ఈ చిత్రం షూటింగ్ ఇజ్రాయెల్ లో చాలా భాగం జరిగింది. ఇందులో పవన్ కల్యాణ్ సినిమా డైరెక్టర్ గా నటిస్తున్నాడు. అలాగే రాజు సుందరం దర్శకత్వంలో కూడా ఓ ప్రాజక్టు చేస్తున్నట్టు వార్తలొచ్చాయి.

ఇప్పుడు తాజాగా పవన్ మరో సినిమా అంగీకరించినట్టు తెలుస్తోంది. బిందాస్, రగడ చిత్రాలను రూపొందించిన వీరు పొట్ల దర్శకత్వంలో ఓ సినిమా చేయనున్నాడట. వీరు పొట్ల చెప్పిన కథ పవన్ కి బాగా నచ్చిందనీ, గ్రీన్ సిగ్నల్ ఇచ్చాడనీ అంటున్నారు. దాంతో దర్శకుడు ప్రస్తుతం స్క్రిప్ట్ పని మీద కూర్చున్నాడు. అయితే, ఏడాదికి ఒకటో అరో సినిమాలు చేసే పవన్ ఈ కొత్త సినిమాలు ఎప్పటికి పూర్తి చేస్తాడో మరి...!