34 కోట్ల అప్పులో పవన్ కళ్యాణ్.. వదినకు 1.7 కోట్లు, త్రివిక్రమ్‌కు 2.4 కోట్లు.. అకీరా ఆస్తి ఎంతంటే!

గాజువాకలో నామినేషన్

కొద్దిరోజుల క్రితం తాను గాజువాక, భీమవరం నియోజకవర్గాల నుంచి పోటీ చేయబోతున్నట్లు పవన్ ప్రకటించిన సంగతి తెలిసిందే. గురువారం రోజు పవన్ కళ్యాణ్ అభిమానుల కేరింతల మధ్య నామినేషన్ దాఖలు చేశారు. నామినేషన్‌లో తన చర, స్థిర ఆస్తుల వివరాలు, అప్పులు పొందుపరిచారు. పవన్ కళ్యాణ్ ఎంత అప్పు ఉన్నాడో తెలిస్తే ఆశ్చర్యపోవలసిందే.

మొత్తం ఆస్తి విలువ

తనకు మొత్తం 52 కోట్ల ఆస్తులు ఉన్నట్లు పవన్ కళ్యాణ్ అఫిడవిట్ లో పేర్కొన్నారు. అందులో 40 కోట్లా స్థిర ఆస్తులు ఉండగా, మరో 12 కోట్ల విలువైన చర ఆస్తులు ఉన్నట్లు పవన్ పేర్కొన్నారు. స్థిర ఆస్తుల్లో పవన్ కళ్యాణ్ నివసిస్తున్న ఇల్లు, ఫామ్ హౌస్, భూములు లాంటి ఆస్తులు ఉన్నాయి. తనకు మెర్క్డ్స్ బెంజ్ ఆర్ క్లాస్ కారు. వోల్వో ఎక్స్ సి 90 కారు ఉన్నట్లు పేర్కొన్నారు.

34 కోట్ల అప్పు

తాను వివిధ చిత్ర నిర్మాణ సంస్థలకు, వ్యక్తులకు 34 కోట్ల మేర అప్పు ఉన్నట్లు పవన్ అఫిడవిట్ లో పేర్కొన్నారు. స్టార్ డైరెక్టర్ త్రివిక్రమ్ శ్రీనివాస్ కు 2.4 కోట్ల అప్పు ఉన్నట్లు పవన్ అఫిడవిట్ లో పేర్కొన్నారు. ఇక తన వదిన కొణిదెల సురేఖకు కూడా 1.7 కోట్ల అప్పు ఉన్నట్లు తెలుస్తోంది. హారిక అండ్ హాసిని సంస్థ నుంచి 25 లక్షలు తీసుకుని ఉన్నట్లు పవన్ తెలిపారు. కొందరు ఇతర వ్యక్తులకు కూడా బాకీ పడ్డట్లు అఫిడవిట్ లో తెలిపాడు.

అకీరా ఆస్తి ఏంటంటే

ఇక తన పిల్లలు, భార్య పేరున ఉన్న ఆస్తి విరాలని కూడా పవన్ పొందుపరిచాడు. పెద్ద కుమారుడు అకీరా పేరున 1.5 కోట్లు, కుమార్తె ఆద్య పేరున ఒక కోటి ఆస్తి ఉన్నట్లు తెలుస్తోంది. తన సతీమణి అన్నా లెజినోవా వద్ద 30 లక్షల విలువైన చర ఆస్తులు ఉన్నట్లు పవన్ తెలిపారు. తన వద్ద 312 గ్రాముల బంగారం ఉన్నట్లు కూడా పవన్ అఫిడవిట్‌లో పొందుపరిచారు.