యూట్యూబ్‌లో పవన్ డూప్ హల్‌చల్

పవర్ స్టార్ పవన్ కళ్యాణ్ నటించిన 'పంజా' సినిమా ఇటీవల విడుదలైన సంగతి తెలిసిందే. సారాజేన్ డియాస్, అంజలి లవానియాలు హీరోయిన్లుగా నటించిన ఈ చిత్రానికి తమిళ దర్శకుడు విష్ణు వర్ధన్ దర్శకత్వం వహించారు. నీలిమ తిరుమల శెట్టి, శోభు యార్లగడ్డ నిర్మించిన ఈ చిత్రం బాక్సాఫీసు వద్ద అనుకున్న అంచనాలను అందుకోలేక పోయింది.

ఈ నేపథ్యంలో ఓ పేరడీ షార్ట్ ఫిల్మ్ పుట్టుకొచ్చింది. పవన్ కళ్యాణ్ డూప్ యూట్యూబ్ లో హల్ చల్ చేస్తున్నాడు. పంజా సినిమాను 'పంచా' అంటూ పేరడీ చేస్తూ......మ్యాడ్ మ్యాన్ ప్రొడక్షన్స్ అంటూ ఓ టైటిల్ తగిలించి పవన్ కళ్యాణ్ వేషధారణలో సూర్(పులిసి పోయిన) స్టార్ సుజన్ అనే వ్యక్తి ఇందులో హల్ చల్ చేస్తూ కామెడీ పండిస్తున్నారు. జనవరి 1న అప్ లోడ్ చేసిన ఈ వీడియో...ఇప్పుడు అందరినీ ఆకర్షిస్తోంది.

ప్రస్తుతం పవన్ కళ్యాన్ హరీష్ శంకర్ దర్శకత్వంలో 'గబ్బర్ సింగ్' అనే చిత్రంలో నటిస్తున్నాడు. శృతి హాసన్ పవన్ సరసన రొమాన్స్ చేస్తోంది.