జాతీయగీతం ఇష్యూ : పవన్ కళ్యాణ్ ట్వీట్ సరైందే అని భావిస్తున్నారా?

మిశ్రమ స్పందన

అయితే నిర్ణయంపై.... కొందరు ఏకీభవిస్తుండగా, మరికొందరు నటులు మరో రకంగా స్పందిస్తున్నారు. ఈ నిర్ణయాన్ని పున:సమీక్షించాలని నటుడు అరవింద స్వామి ఆ మధ్య తన అభిప్రాయం వ్యక్తం చేయగా. తాజాగా పవన్ కళ్యాణ్ కూడా తన అభిప్రాయాన్ని వెల్లడించారు.

అరవింద స్వామి

అసలు థియేటర్లో సినిమాకి ముందు జాతీయ గీతం ఎందుకు ప్రదర్శించాలో ఎవరైనా వివరిస్తారా? ఎక్కడైనా దేశానికి ప్రాతినిధ్యం వహించే చోట.. లేదా వేలమంది గుమిగూడేఒక క్రీడా సంబంధిత ఈవెంట్లోనో జాతీయగీతం పాడించడం అంటే అర్థం చేసుకోవచ్చు. కానీ థియేటర్లలో వందల మందిని లోపల బ్లాక్ చేసి ఎగ్జిట్లు మూసేసి జాతీయ గీతం పాడించడమేంటో అర్థం కావడం లేదు. ఈ నిర్ణయాన్ని సమీక్షిస్తే బాగుంటుంది. 1997 లో ఉపహార్ థియేటర్లలో ఎగ్జిట్లు లాక్ చేయడం వల్ల జరిగిన దుర్ఘటనను ఈ సందర్భంలో ఓసారి గుర్తు చేసుకోవాలి'' అని అరవింద్ స్వామి తన మనసులోని అభిప్రాయాన్ని వ్యక్తం చేసారు.

ఇపుడు పవన్ కళ్యాణ్

కుటుంబం, స్నేహితులతో కలిసి సినిమా చూడటానికి వస్తే అది దేశభక్తికి పరీక్షా కేంద్రం కావొద్దని పవన్ కళ్యాణ్ అభిప్రాయ పడ్డారు. కుల మత విభేదాలు లేకుండా విలువలతో కూడిన మానవ సంబంధాలే దేశభక్తికి నిజమైన అర్థమన్నారు.

మీ అభిప్రాయ ఏమిటి?

థియేటర్లలో జాతీయ గీతం అనే అంశంపై అరవింద స్వామి, పవన్ కళ్యాణ్ తమ తమ అభిప్రాయాలను వ్యక్తం చేసారు. మరి వీరి అభిప్రాయాలతో మీరు ఏకీ భవిస్తారా?... దీనిపై మీరేమంటారు? మీ అభిప్రాయాలను కామెంట్ బాక్స్ లో వెల్లడించండి.