అజ్ఞాతవాసి ఆ పనికూడా పూర్తయింది.. అక్కడ ఒకరోజు ముందే రిలీజ్

అజ్ఞాతవాసి సెన్సార్ పూర్తి

అజ్ఞాతవాసి చిత్రం సెన్సార్ పనులను సోమవారం ముగించుకొన్నది. ఈ చిత్రానికి యూఏ సర్టిఫికెట్‌ను సెన్సార్ బోర్డు అధికారులు జారీ చేశారు. ఈ చిత్రంపై సెన్సార్ అధికారులు పాజిటివ్‌గా స్పందించినట్టు సినీ వర్గాలు వెల్లడిస్తున్నాయి.

ఒకరోజు ముందే యూఎస్‌లో

ఇక అజ్ఞాతవాసి సినిమా దేశవ్యాప్తంగా జనవరి 10న రిలీజ్ సిద్ధమవుతుంటే ఓవర్సీస్ మార్కెట్‌లో ఒకరోజు ముందే ప్రీమియర్ ప్రదర్శనలు ఏర్పాటవుతున్నాయి. అమెరికాలో జనవరి 10న ఈ చిత్ర ప్రీమియర్లు ప్రదర్శించనున్నట్టు చిత్ర యూనిట్ వెల్లడించింది.

పవన్ పాటకు బ్రహ్మరధం

పవన్ కల్యాణ్ పాడిన కొడుకా కోటేశ్వరరావు అనే పాట యూట్యూబ్‌లో దుమ్మురేపుతున్నది. 24 గంటల్లోనే ఈ పాటను యూట్యూబ్‌లో 4,100,780 మంది వీక్షించారు. 268,789 మంది లైక్ చేశారు. 15,890 డిస్ లైక్ చేశారు.

పవన్ సరసన అను, కీర్తి సురేష్

హారికా అండ్ హాసిని క్రియేషన్స్ బ్యానర్‌పై నిర్మాత రాధాకృష్ణ ఈ చిత్రాన్ని రూపొందించారు. త్రివిక్రమ్ శ్రీనివాస్ తెరకెక్కించిన ఈ చిత్రంలో పవన్ సరసన అను ఇమ్మాన్యుయేల్, కీర్తి సురేష్ నటిస్తున్నారు.