Don't Miss!
- News ఈ అభిమానమే రఘురామ రాజుకు సీటు దూరం చేసింది..!!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Sports రసెల్కు భయపడి ఆ బౌలర్పై వేటు..KKRతో ఆడే RCB తుది జట్టు ఇదే!
- Automobiles సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
'గోపాల గోపాల': పవన్ ఫస్ట్ లుక్(లీకెడ్ ఫొటో)
హైదరాబాద్ : వెంకటేష్, పవన్ కల్యాణ్ హీరోలుగా 'గోపాల గోపాల' చిత్రం రూపొందుతున్న సంగతి తెలిసిందే . ఈ చిత్రంలో పవన్ ఎలా కనిపించబోతున్నాడు అనేది అంతటా ఆసక్తికరమైన అంశమే. ఆయన ఎలక్షన్స్ తర్వాత నటిస్తున్న ఈ చిత్రంలో ఆయన లుక్ ఎలా ఉండబోతోందనే విషయమై అభిమానులు చాలా అసక్తిగా ఎదురుచూస్తున్నారు. ఈ నేపధ్యంలో ఈ చిత్రంలోని ఫస్ట్ లుక్ లాంటి ఫొటో ఒకటి లీకైంది. అయితే అది అనుకోకండా జరిగింది.
ఈ చిత్రంలో నటిస్తున్న అలియాస్ జానికి ఫేమ్ అనీషా ఈ చిత్రం సెట్స్ పై పవన్ తో ఫొటో దిగి తన ట్విట్టర్ లో పోస్ట్ చేసింది. ఇలాంటి క్షణం కోసం చాలా కాలంగా ఎదురుచూస్తున్నానని, తనంత ఆనందకరమైన అమ్మాయి ఈ భూమి మీద లేదని ఎమోషనల్ రాస్తూ ఈ ఫొటోని పోస్ట్ చేసింది. తర్వాత ఏం జరిగిందో ఏమో డిలీట్ చేసేసింది. అయితే అప్పటికే ఈ ఫొటో పవన్ అభిమానులకు చేరిపోయింది.
దర్శకుడు చిత్రం గురించి మాట్లాడుతూ...దేవుడికి కొబ్బరికాయ ఎందుకు కొట్టాలి? హుండీలో డబ్బులెందుకు వేయాలి? హారతి ఇవ్వకపోతే దేవుడు మొర ఆలకించడా? ఇలాంటి సవాలక్ష సందేహాలున్నాయి అతనికి. దేవుడుంటే ఈ సృష్టినంతటినీ సమానంగా చూడాలి కదా? ఒకరెక్కువ, ఒకరు తక్కువ అనే బేధాలెందుకు అంటూ స్వామీజీలనూ తన పశ్నలతో హడలెత్తించాడు. జవాబులు దొరకలేదు. చివరికి సమాధానం ఇవ్వడానికి స్వయంగా శ్రీకృష్ణుడే దిగొచ్చాడు. ఆ వైనం ఏ రీతిన సాగిందో తెలియాలంటే మా సినిమా చూడాల్సిందే అంటున్నారు కిషోర్కుమార్ పార్థసాని (డాలీ). ఆయన దర్శకత్వం వహిస్తున్న చిత్రం 'గోపాల గోపాల'.
''బాలీవుడ్లో విజయం సాధించిన 'ఓ మైగాడ్' చిత్రానికిది రీమేక్. తెలుగు వాతావరణానికి వెంకీ, పవన్ల శైలికి తగినట్టుగా కొన్ని మార్పులు చేశాం. పవన్ పలికే సంభాషణలు అందరికీ నచ్చుతాయి'' అని నిర్మాతలు చెబుతున్నారు. మిథున్ చక్రవర్తి, దీక్షాపంత్, మధుశాలిని ప్రధాన పాత్రలు పోషిస్తున్నారు. చిత్రానికి సంగీతం: అనూప్ రూబెన్స్
పవన్కల్యాణ్ 'గోపాల గోపాల'లో మోడ్రన్ శ్రీకృష్ణుడి పాత్రని పోషిస్తున్న సంగతి తెలిసిందే. ఈ చిత్రం హిందీ ఓ మైగాడ్ రీమేక్. ఈ చిత్రంఒరిజనల్ లో అక్షయ్ కుమార్ ఓ బైక్ మీద వచ్చి హల్ చల్ చేస్తాడు. ఇప్పుడు అదే టైప్ లో పవన్ సైతం ఓ స్పెషల్ బైక్ లో వస్తారు. ఆ బైక్ డిజైన్ మీరు చూస్తున్నదే. అది ఇటీవలే బయిటకు వచ్చింది. దానిపై ఓమ్ ...786 అని ఉంది. హ్యూసంగ్ జీవి 650 అఖీలా పీఆర్ఓ ఈ బైక్ పేరు. భారీ ఆకారంతో భారీ సీసి ఉన్న బైక్ ఇది. సినిమా రిలీజయ్యాక ఈ బైక్ గురించి చాలా కాలం అభిమానులు మాట్లాడుకుంటారని అంచనా వేసి మరీ అన్ని జాగ్రత్తలూ తీసుకుని మరీ ఈ బైక్ ని ఇలా డిజైన్ చేసారు. ఈ బైక్ ఖరీదు 6,60,000.
ఇక ఈ చిత్రంలో పవన్ పలికే సంభాషణలు ప్రధాన ఆకర్షణగా నిలుస్తాయని సమాచారం. వెంకటేష్ మరో హీరోగా చేస్తున్న సినిమాలో పవన్ పాత్ర కేవలం 25 నిముషాలేట. అయితే ఇప్పుడు అభిమానులు నిరాశపడతారని దాని నిడివి పెంచినట్లు సమాచారం. ఆ పాత్ర ఇప్పుడు సెకండాఫ్ లో దాదాపు పూర్తిగా ఉంటుంది. కీలకమైన సన్నివేశాల్లో దాదాపు 45 నిముషాల సేపు కనపిస్తాడట. ఇరవై నిముషాల సేపు ఆయన పాత్ర నిడివి పెంచారని సమాచారం.
సంక్రాంతికి చిత్రాన్ని ప్రేక్షకుల ముందుకు తీసుకొచ్చేందుకు నిర్మాతలు ప్రయత్నాలు చేస్తున్నారు. ఈ చిత్రంలో శ్రియ ముఖ్యపాత్రలో కనిపిస్తుంది. కృష్ణుడు, మధుశాలిని, వెన్నెల కిషోర్, దీక్షా పంత్ తదితరులు ఇతర పాత్రధారులు. చిత్రానికి సంగీతం: అనూప్ రూబెన్స్, ఛాయాగ్రహణం: జయనన్ విన్సెంట్, కూర్పు: గౌతంరాజు, శరత్మరార్. సురేష్బాబు నిర్మాతలు.