Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘హరిహర వీరమల్లు’ టీజర్ అప్పుడేనట: వైరల్ అవుతోన్న ఇంట్రెస్టింగ్ న్యూస్
సినిమాల్లోకి రీఎంట్రీ ఇచ్చిన తర్వాత జెట్ స్పీడుతో దూసుకుపోతున్నాడు టాలీవుడ్ స్టార్ హీరో పవర్ స్టార్ పవన్ కల్యాణ్. ఒకటి పట్టాలపై ఉండగానే ఏకంగా మూడు ప్రాజెక్టులను లైన్లో పెట్టుకున్నాడాయన. అందులో క్రియేటివ్ డైరెక్టర్ క్రిష్ జాగర్లమూడి తెరకెక్కిస్తోన్న 'హరిహర వీరమల్లు' ఒకటి. పిరియాడిక్ జోనర్లో రాబోతున్న ఈ సినిమా మొగలాయీల కాలం నాటి కథతో రూపొందుతోంది. కోహినూర్ డైమండ్ ఇందులో ప్రధానాంశం కాబోతుందని జోరుగా ప్రచారం జరుగుతోంది. ఈ భారీ బడ్జెట్ మూవీ టీజర్ గురించి అప్పుడే ఓ న్యూస్ ఫిలిం నగర్లో వైరల్ అవుతోంది.
ఇండస్ట్రీ వర్గాల్లో వైరల్ అవుతోన్న తాజా సమాచారం ప్రకారం.. పవన్ కల్యాణ్ నటిస్తోన్న 'హరిహర వీరమల్లు' మూవీకి సంబంధించిన టీజర్కు అప్పుడే డేట్ ఫిక్స్ చేసేశారట. అది ఎప్పుడో కాదు.. పవర్ స్టార్ పుట్టినరోజైన సెప్టెంబర్ 2 అని అంటున్నారు. అవును.. ఇంకా చాలా సమయం ఉన్నప్పటికీ.. అప్పుడే ఈ టీజర్ గురించి ప్రచారం జరుగుతోంది. దీన్నే మెగా అభిమానులు సోషల్ మీడియాలో షేర్ చేసుకుంటున్నారు. దీంతో ఇది నిజమేనని అంతా అనుకుంటున్నారు. అయితే, ఈ వార్తపై సినీ యూనిట్ నుంచి మాత్రం ఎటువంటి స్పందన రాకపోవడం గమనార్హం.
ఎంతో ప్రతిష్టాత్మకంగా రూపొందుతోన్న 'హరిహర వీరమల్లు' సినిమాలో పవన్ కల్యాణ్ వజ్రాల దొంగలా నటిస్తాడనే టాక్ వినిపిస్తోంది. దీని కోసం అతడు గుర్రపు స్వారీ, కత్తిసాము, కర్రసాము సహా ఎన్నో విద్యలను నేర్చుకున్నట్లు ప్రచారం జరుగుతోంది. ఇక, ఇందులో జాక్వెలిన్ ఫెర్నాండేజ్, నిధి అగర్వాల్ హీరోయిన్లుగా చేస్తున్నారు. కీరవాణి సంగీతం అందిస్తున్నారు. ఈ సినిమాను మెగా సూర్య ప్రొడక్షన్స్ బ్యానర్పై ఏఎమ్ రత్నం నిర్మిస్తున్నారు. దీన్ని వచ్చే సంక్రాంతికి విడుదల చేయాలని భావిస్తున్నట్లు వార్తలు వస్తున్నాయి.