పవన్ కళ్యాణ్ ‘సర్దార్ గబ్బర్ సింగ్’ (ఫస్ట్ లుక్)

By Bojja Kumar

Updated: Saturday, August 15, 2015, 14:54 [IST]

హైదరాబాద్: స్వాంతంత్ర దినోత్సవాన్ని పురస్కరించుకుని పవన్ కళ్యాణ్ తాజా సినిమా ‘సర్దార్ గబ్బర్ సింగ్' ఫస్ట్ లుక్ విడుదల చేసారు. ఈ చిత్రానికి పని చేస్తున్న ప్రముఖ రచయిత కోన వెంకట్ తన ట్విట్టర్ పేజీ ద్వారా ఈ పోస్టర్ రిలీజ్ చేయగా, దర్శకుడు బాబీ తన అఫీషియల్ ట్విట్టర్ పేజీలో ఈ పోస్టును రీట్వీట్ చేసారు.

గట్స్...గన్స్ అండ్ లవ్ అంటూ పవన్ కళ్యాణ్ రెండు చేతులతో గన్స్ పేలుస్తూ విడుదలైన పోస్టర్ ఆకట్టుకునే విధంగా ఉంది. పవన్ కళ్యాణ్ కూడా ఈ సినిమా నిర్మాణంలో భాగస్వామ్యం అవుతున్నారు. పవన్ కళ్యాణ్ కు చెందిన ‘పవన్ కళ్యాణ్ క్రియేటివ్ వర్క్స్', అతని స్నేహితుడు శరత్ మరార్‌కు చెందిన ‘నార్త్ స్టార్ ఎంటర్టెన్మెంట్స్' సంయుక్తంగా ఈ చిత్రాన్ని నిర్మిస్తున్నాయి. తాజాగా విడుదలైన పోస్టర్లో ఇందుకు సంబంధించిన వివరాలు ప్రకటించారు.

ప్రస్తుతం ఈ షూటింగ్ హైదరాబాద్ లో జరుగుతోంది. ఇక్కడి అల్యూమినియం ఫ్యాక్టరీలో కీలకమైన యాక్షన్ సన్నివేశాలు, సీన్లు చిత్రీకరిస్తున్నారు. ఈ చిత్రానికి కెఎస్.రవీంద్ర(బాబీ) దర్శకత్వం వహిస్తున్నారు. జైనన్ విన్సెంట్ సినిమాటోగ్రఫీ సమకూరుస్తుండగా, దేవిశ్రీ ప్రసాద్ సంగీతం అందిస్తున్నారు.

ఇదిలా ఉండగా ఈ చిత్రంలో కథానాయిక పాత్రలో పవన్ ప్రియురాలిగా కాజల్ అగర్వాల్ నటించనున్నట్లు సమాచారం. గతంలో ఈ సినిమాకు అనీషా ఆంబ్రోస్ అనుకున్నారు. సినిమా ప్రారంభం కాక ముందే ఆమెను పక్కకు తప్పించారు. ఇపుడు కాజల్ ను ఫైనల్ చేసినట్లు సమాచారం. ఈ విషయం అఫీషియల్ గా ఖరారు కావాల్సి ఉంది.