పవన్ ఫ్యాన్స్‌కు పండుగ లాంటి వార్త: ఆ ప్రాంతాల్లో స్పెషల్ షోలకు ప్లాన్.. టికెట్ రేటు మాత్రం భారీగా!

‘వకీల్ సాబ్'గా మారి రీఎంట్రీ ఇస్తున్న పవన్

దాదాపు మూడేళ్ల తర్వాత 'వకీల్ సాబ్' అనే సినిమాతో రీఎంట్రీ ఇస్తున్నాడు పవర్ స్టార్ పవన్ కల్యాణ్. వేణు శ్రీరామ్ తెరకెక్కించిన ఈ సినిమాను బోనీ కపూర్ సమర్పణలో దిల్ రాజు నిర్మించాడు. శృతి హాసన్ హీరోయిన్‌గా నటించింది. యంగ్ మ్యూజిక్ సెన్సేషన్ థమన్ సంగీతం అందించాడు. రీఎంట్రీ అంటే కొత్త కథతో వచ్చే పరిస్థితులు ఉన్నా.. పాత సినిమాను రీమేక్ చేస్తున్నాడు పవన్.

సినిమా నేపథ్యం ఇదే.. ఆ ముగ్గురే హైలైట్‌గా

ఫ్యామిలీ బ్యాగ్రౌండ్ లేని ముగ్గురు సామాన్య యువతులకు అనుకోని విధంగా ఓ కష్టం వస్తుంది. ఇందులో భాగంగానే వాళ్లంతా ఓ కేసులో ఇరుక్కుంటారు. వాళ్లకు ప్రతికూలంగా మారుతోన్న టైమ్‌లో లాయరైన హీరో ఎంట్రీ ఇస్తాడు. అప్పటి నుంచి బాధిత యువతలను కాపాడేందుకు పోరాటం చేస్తాడు. ఇదే వకీల్ సాబ్ కథ. అంజలి, నివేదా థామస్, అనన్య ఆ మూడు పాత్రలను చేశారు.

పవన్ స్థాయికి తగ్గట్లే మార్పులు.. భారీగానే

'వకీల్ సాబ్' ప్రకటించినప్పటి నుంచే దీనిపై ఆసక్తి ఏర్పడింది. రెండు భాషల్లో లేని విధంగా ఇందులో పవన్ కల్యాణ్‌ పాత్రను ఎలివేట్ చేస్తున్నారని తెలిసినప్పటి నుంచి అంచనాలు భారీగా ఏర్పడ్డాయి. అందుకు అనుగుణంగానే మోషన్ పోస్టర్, టీజర్‌, ఆ తర్వాత వచ్చిన సినిమాలోని పాటలతో అవన్నీ రెట్టింపయ్యాయి. ఇక, ఇటీవల విడుదలైన ట్రైలర్ అంచనాలు అమాంతం పెంచింది.

బిజినెస్ ఊహించని విధంగా.. గ్రాండ్‌గా రిలీజ్‌

లాంగ్ గ్యాప్ తర్వాత పవన్ కల్యాణ్ నటించిన సినిమా కావడంతో 'వకీల్ సాబ్'పై భారీ బజ్ ఏర్పడింది. దీని కోసం మెగా అభిమానులతో పాటు సామాన్య ప్రేక్షకులు కూడా ఆసక్తిగా ఎదురు చూస్తున్నారు. అందుకనుగుణంగానే డిస్ట్రిబ్యూటర్లు కూడా భారీ మొత్తం పెట్టి దీన్ని కొనుగోలు చేశారు. దీంతో అన్ని ఏరియాల్లో గ్రాండ్‌గా రిలీజ్ చేస్తున్నారు. ఆ ఏర్పాట్లు వేగంగా జరుగుతున్నాయి.

అప్పుడే ఫుల్.. ఫ్యాన్స్‌కు పండుగ లాంటి వార్త

సాధారణంగా పవన్ కల్యాణ్ సినిమాకు ఎలాంటి రెస్పాన్స్ ఉంటుందో.. 'వకీల్ సాబ్'కు అంతకు మించిన స్పందన వస్తోంది. అందుకే అడ్వాన్స్ బుకింగ్ లైన్స్ ఓపెన్ అయిన గంటల వ్యవధిలోనే టికెట్లన్నీ అమ్ముడైపోయాయి. హైదరాబాద్‌లోనైతే ఏకంగా 110 షోలకు గానూ అన్నీ హౌస్‌ఫుల్ బోర్డులు పడిపోయాయి. ఇలాంటి పరిస్థితుల్లో ఫ్యాన్స్‌కు పండుగలాంటి వార్త వచ్చింది.

ఆ ప్రాంతాల్లో స్పెషల్ షోలకు ప్లాన్.. టికెట్ రేటు

తాజా సమాచారం ప్రకారం.. తెలంగాణలోని ప్రధాన నగరాలతో పాటు ఏపీలోని దాదాపు అన్ని ప్రాంతాల్లోనూ ముందు రోజు అర్ధరాత్రి 'వకీల్ సాబ్' మూవీ స్పెషల్ షోలు ప్లాన్ చేస్తున్నారు థియేటర్ యజమానులు. ఒకవేళ ప్రభుత్వ అనుమతి లభించకపోతే ఏప్రిల్ 9న ఉదయం 7 గంటలకు బెనిఫిట్ షోలు వేస్తారని టాక్. దీని టికెట్ రేటు సుమారు రూ. 2000 ఉంటుందని సమాచారం.