Ante Sundariniki Pre release event నాని కోసం పవన్ కల్యాణ్.. ఒకరోజు వెనక్కి ఈవెంట్

సర్వం సిద్ధమై

చివరిగా శ్యాం సింగారాయ్ అనే సినిమా ద్వారా ప్రేక్షకుల ముందుకు వచ్చిన నాని మంచి హిట్ అందుకున్నాడు. ఆ సినిమా తర్వాత ఆయన దర్శకుడు వివేక్ దర్శకత్వంలో అంటే సుందరానికి అనే సినిమా చేశారు. మలయాళ భామ నజ్రియా నజీమ్ హీరోయిన్ గా నటించిన ఈ సినిమా ప్రేక్షకుల ముందుకు వచ్చేందుకు సర్వం సిద్ధమైంది. మైత్రి మూవీ మేకర్స్ సంస్థ నిర్మిస్తున్న ఈ సినిమా నుంచి విడుదలైన ప్రమోషనల్ స్టఫ్ అంతా బాగుండంతో సినిమా మీద భారీ అంచనాలు ఏర్పడ్డాయి.

వేడుకకు పవర్ స్టార్

ఈ సినిమా జూన్ పదో తేదీన విడుదల అవుతున్న నేపథ్యంలో తొలుత జూన్ ఎనిమిదో తేదీ సాయంత్రం ఫ్రీ రిలీజ్ ఈవెంట్ నిర్వహించాలని సినిమా యూనిట్ భావించింది. ఈ క్రమంలోనే హైదరాబాద్ శిల్పకళావేదికలో సాయంత్రం ఆరు గంటల నుంచి సినిమా యూనిట్ ఆధ్వర్యంలో ఈ వేడుక జరుగుతుంది అంటూ అధికారికంగా ప్రకటించారు. అయితే ఈ ప్రకటన వచ్చిన తర్వాత నుంచి ఈ వేడుకకు పవర్ స్టార్ పవన్ కళ్యాణ్ హాజరయ్యే అవకాశం ఉందని కూడా ప్రచారం జరిగింది.

9 వ తేదీ

అయితే ప్రచారం అయితే జరిగింది కానీ ఈ విషయం మీద ఎలాంటి క్లారిటీ రాలేదు. కానీ తాజాగా నాని ఈ విషయం మీద స్పందించారు. సుందర్ కోసం పవన్ కళ్యాణ్ వస్తున్నారని పేర్కొన్నారు. తొలుత ఎనిమిదో తేదీ సాయంత్రం ఈ వేడుక నిర్వహించాలని అనుకున్నాము కానీ పవన్ కళ్యాణ్ గారి కోసం ఒక రోజు వెనుకకు వాయిదా వేసి 9 వ తేదీ ప్రీ రిలీజ్ ఈవెంట్ ఘనంగా జరుపుతున్నామని నాని ప్రకటించారు.

హరీష్ శంకర్ దర్శకత్వంలో

నిజానికి పవర్ స్టార్ పవన్ కళ్యాణ్ కూడా మైత్రి మూవీ మేకర్స్ సంస్థ ఆధ్వర్యంలో హరీష్ శంకర్ దర్శకత్వంలో తెరకెక్కుతున్న సినిమాలో నటించబోతున్నారు. ఈ నేపథ్యంలోనే మైత్రి మూవీ మేకర్స్ సంస్థ పవన్ వేడుకకు హాజరు కావలసిందిగా కోరగా దానికి ఒప్పుకున్న ఆయన వేడుకకు హాజరు అవుతున్నట్లు సమాచారం.

మొత్తం మూడు బాషలలో

ఇక ఈ సినిమాలో నాని నజ్రియా నజీమ్ కీలక పాత్రలో నటిస్తుండగా నటుడు హర్షవర్ధన్, తమిళ నటుడు అళగం పెరుమాళ్, నిక్కీ తంబోలి, రోహిణి వంటి వారు ఇతర కీలక పాత్రల్లో నటిస్తున్నారు. నజ్రియా నజీమ్ కూడా ఉండడంతో ఈ సినిమాని తెలుగుతోపాటు తమిళ, మలయాళ బాషలలో కూడా విడుదల చేస్తున్నారు నిర్మాతలు.