పవన్ కళ్యాణ్-త్రివిక్రమ్ అభిమానులకు హ్యాపీ న్యూస్

పవర్ స్టార్ పవన్ కళ్యాణ్, త్రివిక్రమ్ కాంబినేషన్లో జల్సా, అత్తారింటికి దారేది లాంటి సూపర్ హిట్ చిత్రాల తర్వాత మరో చిత్రం తెరకెక్కుతున్న సంగతి తెలిసిందే. ఈ చిత్రానికి ఇంకా టైటిల్ ఖరారు కాలేదు. ఈ సినిమాకు సంబంధించి ఫ్యాన్స్‌కు ఒక గుడ్‌ న్యూస్‌.

ఈ చిత్రానికి టైటిల్ ఖరారు చేస్తూ ఫస్ట్‌లుక్‌ పోస్టర్ ఆగస్టు 15న విడుదల చేయాలని నిర్ణయించారు. సో.... జెండా పండగ రోజు పవన్ కళ్యాణ్, త్రివిక్రమ్ అభిమానులకు సంతోషకరమైన న్యూస్ అందబోతోంది అన్నమాట.

ఈ సినిమా ఎలా ఉండబోతోంది? కాన్సెప్టు ఏమిటి? అనే వివరాలు ఇప్పటి వరకు బయటకు రాలేదు. ఫస్ట్ లుక్, టైటిల్ తర్వాత ఇందుకు సంబంధించిన విషయాలపై ఓ క్లారిటీ రానుంది. ఈ చిత్రంలో పవన్ కళ్యాణ్ సరసన హీరోయిన్స్‌గా కీర్తి సురేష్‌, అను ఎమాన్యూల్‌లు నటిస్తున్నారు. సంక్రాంతికి సినిమా విడుదల కానుంది.