స్టైలిష్ డైరెక్టర్ విష్ణు దర్శకత్వంలో పవర్ స్టార్ పవన్ కళ్యాణ్...

ప్రస్తుతం రెండు చిత్రాలు ఏకబిగిన చేస్తున్న పవర్‌ స్టార్‌ పవన్‌ కళ్యాణ్‌ మరో చిత్రాన్ని అంగీకరించారు. పవన్ కళ్యాణ్ కధానాయకునిగా ఓ యాక్షన్ ఎంటర్టైనర్ గా రూపొందనుంది. తమిళంలో స్టయిలిష్ డైరెక్టర్ గా పేరు తెచ్చుకున్న విష్ణువర్ధన్ దర్శకత్వంలో ఈ చిత్రం రూపొందనుంది. 'వేదం', 'మర్యాదరామన్న' చిత్రాలు నిర్మించిన ఆర్కా మీడియా వర్క్స్ సమర్పణలో సంఘమిత్ర ఆర్ట్స్ ప్రొడక్షన్స్ పతాకంపై నీలిమా నగేష్, సోభు యార్లగడ్డ ఈ చిత్రాన్ని నిర్మించబోతున్నారు. 2011 జనవరి నెలాఖరున చిత్రీకరణ మొదలుకానుంది. యువన్ శంకర్ రాజా సంగీతం అందించబోతున్నారు. 'గమ్యం', 'వేదం' చిత్రాల దర్శకుడు క్రిష్ ఈ చిత్రానికి సంభాషణలు సమకూర్చనుండటం విశేషం.

ఈ సందర్భంగా నిర్మాతలు నీలిమా నగేష్, సోభు యార్లగడ్డ మాట్లాడుతూ 'ఇందులో పవన్ కళ్యాణ్ లుక్ చాల విభిన్నంగా అవుంతుంది. సినిమా ఓ పక్క స్టయిలిష్ గానే ఉంటేనే, మరో పక్క అభిమానులు కోరుకునే అన్ని అంశాలతో సంపూర్ణంగా రూపొందుతుంది. ఇందులో ఇద్దరు కధానాయికలు వుంటారు. ప్రస్తుతం వారి ఎంపిక జరుగుతోంది' అని తెలిపారు.